x

Thank You

We appreciate that you have taken the time to write us. We will get back to you very soon. Please come back and see us often.


Follow Us
Facebook
Message To
WHATSAPP
Write Us
Email

ദൈവശാസ്ത്ര വിഷയങ്ങള്‍

സഥൈര്യലേപനം ഒരുപ്രാവശ്യം മാത്രം സ്വീകരിക്കുന്നത് എന്തുകൊണ്ടാണ് ?

Authored by : Syro Malabar catechetical commission On 02-Jun-2021

ഒരുപ്രാവശ്യം മാത്രം സ്വീകരിക്കുന്ന കൂദാശകളാണ് മാമ്മോദീസ, സ്ഥൈര്യലേപനം, തിരുപ്പട്ടം എന്നിവ. മായാത്ത മുദ്രപതിക്കുന്ന കൂദാശകളായതുകൊണ്ടാണ് ഇവമൂന്നും ഒരു പ്രാവശ്യം മാത്രം സ്വീകരിച്ചാൽ മതി എന്ന് പറയുന്നത്. ഈ മൂന്നു കുദാശകളും മായാത്ത മുദ്രപതിക്കുന്നു എന്നു പറയാൻ കാരണം, മാമ്മോദീസായിൽ നാം ദൈവത്തിന്റെ മക്കളായിതീരുന്നു. ആ പുത്രസ്ഥാനം ഒരിക്കലും നഷ്ടപ്പെടുകയില്ല. പാരമ്പര്യമനുസരിച്ച്, സ്ഥൈര്യലേപനം മാമ്മോദീസായുടെകൂടെ നല്കപ്പെടുന്ന കൂദാശയാണ്. മാമ്മോദീസാ ജനനത്തിന്റെ കൂദാശയും സ്ഥൈര്യലേപനം വളർച്ചയുടെ കൂദാശയുമാണ്. ഒരു കുട്ടി ജനിച്ചാൽ ഉടനെ വളർച്ചയും ആരംഭിക്കുന്നു. അതുകൊണ്ടാണ് സഭയുടെ പാരമ്പര്യത്തിൽ മാമ്മോദീസായും സ്ഥൈര്യലേപനവും ഒരുമിച്ച് കൊടുക്കുന്നത്. ഇന്നും പല സഭകളിലും, പ്രത്യേകിച്ച് പൗരസ്ത്യ സഭകളിൽ മാമ്മോദീസായും സ്ഥൈര്യലേപനവും ഒരുമിച്ചാണ് കൊടുക്കുന്നത്. ഇവ രണ്ടും ഒരുമിച്ചുനല്കപ്പെടുന്നതുകൊണ്ട് സ്ഥൈര്യലേപനം മാമ്മോദീസായോടൊപ്പം മായാത്ത മുദ്രപതിക്കുന്ന കൂദാശകളുടെ ഗണത്തിൽപ്പെടുത്തിയിരിക്കുന്നു. തിരുപ്പട്ടവും മായാത്ത മുദ്രപതിക്കുന്ന കൂദാശകളുടെ ഗണത്തിൽപെടുന്നു. ഉദാഹരണമായി , ബിയെഡ് പാസായ ( BEd ) വ്യക്തി അദ്ധ്യാപകജോലിചെയ്യുന്നുവെന്നു കരുതുക. ആ വ്യക്തി അദ്ധ്യാപക സ്ഥാനത്തുനിന്നു മാറിയാലും ഒരിക്കലും ബിയെഡ് നഷ്ടപ്പെടുന്നില്ല. ഇതു പോലെ ഒരു വൈദികൻ വൈദികനായിക്കഴിഞ്ഞാൽ അദ്ദേഹത്തിനൊരിക്കലും കൈവയ്പ്പുശുശ്രുഷവഴി ലഭിച്ച പൗരോഹിത്യം നഷ്ടപ്പെടുന്നില്ല. വൈദികകർമ്മങ്ങളിൽനിന്നും ഒഴിവാക്കപ്പെട്ടാലും അദ്ദേഹത്തെ "മുൻവൈദികൻ" എന്നു പറയുന്നത് ശരിയല്ല. വിശുദ്ധ കുർബ്ബാന അർപ്പിക്കുവാനും കുമ്പസാരിപ്പിക്കുവാനും മറ്റുമുള്ള അനുവാദം റദ്ദാക്കിയാലും പൗരോഹിത്യം മരണംവരെ അദ്ദേഹത്തിനുണ്ടായിരിക്കും. ഇക്കാരണങ്ങളാലാണ് മാമ്മോദീസാ, തിരുപട്ടം സ്ഥൈര്യലേപനം മായാത്ത മുദ്രപതിപ്പിക്കുന്ന കുദാശകളാണെന്നും അവ രണ്ടാമത് സ്വീകരിക്കേണ്ട ആവശ്യമില്ലെന്നും പറയുന്നത്. ഇത്തരുണത്തിൽ വിവാഹമെന്ന കൂദാശയെക്കുറിച്ച് ഒരുകാര്യം അറിഞ്ഞിരിക്കണം. വിവാഹമെന്ന കൂദാശ അനേകം പ്രാവശ്യം സ്വീകരിക്കാമോ? കത്തോലിക്കാസഭയുടെ നിയമവും നിഗമനവുമനുസരിച്ച് ഒരു പ്രാവശ്യം മാത്രം സ്വീകരിക്കുന്ന കൂദാശയാണിതും. എന്നാൽ ഇവിടെ അനുസ്മരിക്കേണ്ട പ്രത്യേകകാര്യം , സാധുവായി വിവാഹിതരാകുന്ന ഭാര്യയും ഭർത്താവും ജീവിച്ചിരിക്കുന്നിടത്തോളം കാലം വീണ്ടും വിവാഹം നടത്താൻ സഭ അനുവദിക്കുന്നില്ല. ദമ്പതികളിൽ ഒരാൾ മരിക്കുകയോ സാധുവായി വിവാഹം നടന്നിട്ടില്ല എന്ന് തെളിയിക്കപ്പെടുകയോ ചെയ്താലല്ലാതെ മറ്റൊരു വിവാഹം അനുവദനീയമല്ല .

(സീറോ മലബാർ മതബോധന കമ്മീഷൻ പുറത്തിറക്കിയ വിശ്വാസവഴിയിലെ സംശങ്ങൾ എന്ന പുസ്തകത്തിൽനിന്നും)

sacrament of reconciliation sacrament of confirmation Bible Theology Church Teachings


അഭിപ്രായങ്ങൾ

Your Name Contact Number Email ID
Message