ഭൂതോച്ചാടനം ചെയ്യുവാനുള്ള അവകാശം എന്തുകൊണ്ടാണ് പുരോഹിതനല്ലാതെ ഒരു അൽമായനു നല്കാത്തത് ?

Authored by : Syro Malabar catechetical commission On 02-Jun-2021

ഭൂതോച്ചാടനം എന്നാൽ പിശാചുബാധ ഒഴിപ്പിക്കുക എന്നാണ് അർത്ഥമാക്കുന്നത് . പിശാചുബാധഒഴിപ്പിക്കുന്ന കർമ്മം കൂദാശാനുകരണമാണ് . അത് ഭക്താനുഷ്ഠാനമല്ല . കൂദാശാനുകരണങ്ങളും കൂദാശകളും പരികർമം ചെയ്യാൻ ഏതെങ്കിലും പട്ടങ്ങൾ സ്വീകരിച്ചിട്ടുള്ളവർക്ക് മാത്രമേ അനുവാദമുള്ളു . ഒരു രൂപതയിൽ പിശാചുബാധ ഒഴിപ്പിക്കാൻ മെത്രാൻ നിശ്ചയിക്കുന്ന പ്രത്യേക വൈദികർക്കു മാത്രമേ അധികാരമുള്ളു . ഈ അധികാരം സഭയിൽ വൈദികരല്ലാതെ മറ്റാർക്കും നല്കാത്തതിനു കാരണം ഇതൊരു കൂദാശാനുകരണമായതുകൊണ്ടും കൂദാശാനുകരണങ്ങൾ പരികർമ്മം ചെയ്യാൻ അൽമായർക്ക് അനുവാദമില്ലാത്തതുകൊണ്ടുമാണ് . സഭയുടെ നിയമമനുസരിച്ച് എല്ലാ വൈദികർക്കും തിരുപ്പട്ടംവഴി ഇതിന് അധികാരമുണ്ടെങ്കിലും ഇത് പരികർമ്മം ചെയ്യാൻ സഭ പ്രത്യേകം നിയോഗിച്ച വൈദികർക്കു മാത്രമാണു സാധാരണമായി അനുവാദമുള്ളത് .

(സീറോ മലബാർ മതബോധന കമ്മീഷൻ പുറത്തിറക്കിയ വിശ്വാസവഴിയിലെ സംശങ്ങൾ എന്ന പുസ്തകത്തിൽനിന്നും)

exorcism exorcism only by priests Bible Theology Church Teachings