We appreciate that you have taken the time to write us. We will get back to you very soon. Please come back and see us often.
Authored by : Fr. George Panamthottam CMI On 19-Aug-2022
വിശുദ്ധ ഗ്രന്ഥവും വിശുദ്ധ പാരമ്പര്യങ്ങളും നമ്മെ പഠിപ്പിക്കുന്നതു, ലോകം ദൈവമഹത്വത്തിനായി സൃഷ്ടിക്കപ്പെട്ടിരിക്കുന്നുവെന്നാണ്. ഇതിന്റെ അർത്ഥം, സ്വന്തം മഹത്വം വർദ്ധിപ്പിക്കാൻ ദൈവം ഈ ലോകത്തെ സൃഷ്ടിച്ചുവെന്നല്ല. പ്രത്യുത, ദൈവത്തിന്റെ മഹത്വം വെളിപ്പെടുത്തുവാനും പ്രദാനം ചെയ്യാനും ആ മഹത്വത്തിൽ സൃഷ്ടികളെ പങ്കുകാരാക്കുവാനുമാണ് ഈ വിശ്വത്തെ ദൈവം സൃഷ്ടിച്ചത്. സ്നേഹവും നന്മയുമല്ലാതെ മറ്റൊരു കാരണവും ലോകസൃഷ്ടിയിൽ ദൈവത്തിനില്ല. സമസ്തവും അവിടുത്തേക്കു അധീനമായിക്കഴിയുമ്പോൾ സമസ്തവും തനിക്കു അധീനമാക്കിയവനു പുത്രൻ തന്നെയും അധീനനാകും. ഇത് ദൈവം എല്ലാവർക്കും എല്ലാമാകേണ്ടതിനു തന്നെ" (1 കോറി 15:28). സർവ്വ ചരാചര സ്രഷ്ടാവായ ദൈവം അവസാനം എല്ലാത്തിലും എല്ലാമായി തീരാനും എല്ലാവർക്കും എല്ലാമാകേണ്ടതിനും' അങ്ങനെ അവിടുത്തെ മഹത്വവും നമ്മുടെ സൗഭാഗ്യവും ഒരേസമയം സാക്ഷാത്കരിക്കുന്നതിനുമാണു ദൈവം സൃഷ്ടിക്കർമം നടത്തിയത്.
ലോകം ഏതെങ്കിലുമൊരു നിർബന്ധത്താൽ സൃഷ്ടിക്കപ്പെട്ടതോ യാദൃച്ഛികമായി സംഭവിച്ചതോ അല്ല. ദൈവത്തിന്റെ സ്വതന്ത്രേച്ഛയിൽ നിന്ന് ഉത്ഭവിച്ചതാണ് ഈ ലോകം. “അങ്ങയുടെ പ്രവത്തികൾ അറിയുകയും ലോകസൃഷ്ടിയിൽ അങ്ങയോടൊത്ത് ഉണ്ടാവുകയും ചെയ്ത, അങ്ങേയ്ക്ക് പ്രസാദകരവും അങ്ങയുടെ നിയമമനുസരിച്ച് ശരിയുമായ കാര്യങ്ങൾ അറിയുന്ന ജ്ഞാനം അങ്ങയോടൊത്തു വാഴുന്നു” (ജ്ഞാനം 9:9 ). ഈ ജ്ഞാനത്തിൽ നിന്നാണു ദൈവം ലോകത്തെ സൃഷ്ടിച്ചത്. തന്റെ ജ്ഞാനത്തിലും അസ്തിത്വത്തിലും നന്മയിലും സൃഷ്ടികളെ ഭാഗഭാക്കുകളാക്കാൻ ദൈവംതിരുമനസായി. "കാരണം, അങ്ങ് സർവ്വവും സൃഷ്ടിച്ചു. അങ്ങയുടെ ഹിതമനുസരിച്ച് അവയ്ക്ക് അസ്തിത്വം ലഭിക്കുകയും അവ സൃഷ്ടിക്കപ്പെടുകയും ചെയ്തു" (വെളി. 4:11). അതിനാൽ, സങ്കീർത്തകൻ ഇപ്രകാരം ഉദ്ഘോഷിക്കുന്നു: “കർത്താവേ, അങ്ങയുടെ സൃഷ്ടികൾ എത്ര വൈവിധ്യപൂർണ്ണമാണ്. ജ്ഞാനത്താൽ അങ്ങ് എല്ലാം സൃഷ്ടിച്ചു.” “കർത്താവ് എല്ലാവർക്കും നല്ലവനാണ്. തന്റെ സർവ്വ സൃഷ്ടികളുടെയും മേൽ അവിടുന്ന് കരുണ ചൊരിയുന്നു” (സങ്കീ. 104:24; 145:9). അതിനാൽ ദൈവം ലോകത്തെ ബോധപൂർവ്വം സൃഷ്ടിച്ചതാണെന്നും അവിടുന്നു സൃഷ്ടികളെ സ്നേഹിക്കുകയും പരിപാലിക്കുകയും ചെയ്യുന്നുവെന്നു തിരുവചനത്തിലൂടെ നാം മനസ്സിലാക്കുന്നു, ജീവിതാനുഭവങ്ങളിലൂടെ നാം അറിയുന്നു.
ദൈവം എന്തിന് ഈ ലോകത്തെ സൃഷ്ടിച്ചു? Living Faith Series : 1 (ചോദ്യം:6) Bible Theology Church Teachings
place 3rd Floor, Room No.704, Olive Arcade, Near St. Joseph’s Hospital, Mananthavady – 670645
call
Call For More Information
04935 293101, 97446 67206
mail
Mail us on
info@fedarfoundation.com
FEDAR FOUNDATION
3rd Floor, Room No.704, Olive Arcade, Near St. Joseph’s Hospital, Mananthavady – 670645
Email : info@fedarfoundation.com
Phone : 04935 293101, 97446 67206