x

Thank You

We appreciate that you have taken the time to write us. We will get back to you very soon. Please come back and see us often.


Follow Us
Facebook
Message To
WHATSAPP
Write Us
Email

ദൈവശാസ്ത്ര വിഷയങ്ങള്‍

west ദൈവശാസ്ത്ര വിഷയങ്ങള്‍/ പരിശുദ്ധ ത്രിത്വം

ദൈവം എന്തിനു മനുഷ്യനായി അവതരിച്ചു?

Authored by : Fr. George Panamthottam CMI On 27-Aug-2022

ദൈവം എന്തിനു മനുഷ്യനായി അവതരിപ്പിച്ചുവെന്നത് പില തിരുവചനഭാഗങ്ങളിലൂടെ നമുക്കു കാണാൻ കഴിയും. മനുഷ്യരായ നമുക്കു വേണ്ടിയും നമ്മുടെ രക്ഷയ്ക്കുവേണ്ടിയും അവിടുന്നു സ്വർഗ്ഗത്തിൽ നിന്നിറങ്ങി, പരിശുദ്ധാത്മാവിനാൽ കന്യകാമറിയത്തിൽ നിന്നു മനുഷ്യശരീരം സ്വീകരിച്ച് മനുഷ്യനായിത്തീർന്നു. അങ്ങനെ ദൈവത്തിന്റെ വചനം ഭൂമിയിൽ മാംസം ധരിച്ചു. “ദൈവം നമ്മെ സ്നേഹിക്കുകയും നമ്മുടെ പാപപരിഹാരത്തിനായി സ്വപുത്രനെ അയയ്ക്കുകയും ചെയ്തു" (1 യോഹ. 4:10). “പിതാവ് പുത്രനെ ലോകരക്ഷകനായി അയച്ചു” (1 യോഹ. 4:14). “പാപങ്ങൾ നിവാരണം ചെയ്യാൻ അവിടുന്ന് ആഗതനായി” (1 യോഹ. 3:5). പാപത്തിന്റെ അധഃപതനത്തിലേക്ക് താഴുന്ന മനുഷ്യനെ വീണ്ടെടുക്കാൻ ദൈവം സ്വീകരിച്ച വഴിയാണ് മനുഷ്യാവതാരം. ഇതു ദൈവത്തിന്റെ സ്നേഹത്തെ നമുക്ക് പൂർണമായി വെളിവാക്കിത്തന്ന സംഭവമാണ്. “തന്റെ ഏകപുത്രൻ വഴി നാം ജീവിക്കേണ്ടതിനായി ദൈവം അവനെ ലോകത്തിലേക്കയച്ചു. അങ്ങനെ ദൈവത്തിന്റെ സ്നേഹം നമ്മുടെയിടയിൽ വെളിപ്പെട്ടിരിക്കുന്നു" (1 യോഹ. 4:9). “എന്തെന്നാൽ, അവനിൽ വിശ്വസിക്കുന്ന ഏവനും നശിച്ചുപോകാതെ നിത്യജീവൻ പ്രാപിക്കുന്നതിനുവേണ്ടി തന്റെ ഏകജാതനെ നൽകാൻ തക്കവിധം ദൈവം ലോകത്തെ അത്രമാത്രം സ്നേഹിച്ചു" (യോഹ. 3:16).

ക്രിസ്തുവിന്റെ മനുഷ്യാവതാരത്തിലുള്ള വിശ്വാസം ക്രൈസ്തവ വിശ്വാസത്തിന്റെ തനതായ അടയാളമാണ്. "യേശു ക്രിസ്തു ശരീരം ധരിച്ചു എന്ന് ഏറ്റുപറയുന്ന ഏതൊരാത്മാവും ദൈവത്തിൽ നിന്നാണ്" (1 യോഹ. 4:2). ക്രിസ്തു “ദൈവത്തിന്റെ രൂപത്തിലായിരുന്നെങ്കിലും അവിടുന്നു ദൈവവുമായുള്ള സമാനത നിലനിർത്തേണ്ട ഒരു കാര്യമായി പരിഗണിച്ചില്ലാത്തതുകൊണ്ടു ദാസന്റെ രൂപം സ്വീകരിച്ചു മനുഷ്യരുടെ സാദൃശ്യത്തിലായിത്തീർന്ന് ആകൃതിയിൽ മനുഷ്യനെപ്പോലെ കാണപ്പെട്ടു. മരണം വരെ- കുരിശുമരണം വരെ- അനുസരണമുള്ളവനായി തന്നെത്തന്നെ താഴ്ത്തി” (ഫിലി. 2:5-8). “അവിടുന്ന് ശരീരത്തിൽ പ്രത്യക്ഷപ്പെട്ടു” (1 തിമോ. 3:16) എന്ന മഹാരഹസ്യം സഭയോടൊപ്പം പ്രഘോഷിക്കുമ്പോൾ നാമും സ്വയം പ്രകാശിതരായി മാറുന്നു. മനുഷ്യാവതാരം ചെയ്ത ക്രിസ്തുവിലേക്ക് നോക്കുമ്പോഴാണ് നാം പിതാവിനെ കാണുന്നത്. “എന്നിലൂടെയല്ലാതെ ആരും പിതാവിന്റെ അടുക്കലേക്ക് വരുന്നില്ല" (യോഹ 14:6). കാരണം, അവിടുന്നാണ് വഴിയും സത്യവും ജീവനും. ഈ രക്ഷാകര അനുഭവം മനുഷ്യന് പ്രദാനം ചെയ്യാനാണ് ദൈവം മനുഷ്യനായി അവതരിച്ചത്.

Living Faith Series : 1 (ചോദ്യം:7)

ദൈവം എന്തിനു മനുഷ്യനായി അവതരിച്ചു? Living Faith Series : 1 (ചോദ്യം:7) 1 യോഹ. 4:10 1 യോഹ. 3:5 1 യോഹ. 4:14 1 യോഹ. 4:9 യോഹ. 3: 16 1 യോഹ. 4:2 ഫിലി. 2:5-8 1 തിമോ. 3:16 യോഹ 14:6 Bible Theology Church Teachings


അഭിപ്രായങ്ങൾ

Your Name Contact Number Email ID
Message