x

Thank You

We appreciate that you have taken the time to write us. We will get back to you very soon. Please come back and see us often.


Follow Us
Facebook
Message To
WHATSAPP
Write Us
Email

ദൈവശാസ്ത്ര വിഷയങ്ങള്‍

ക്രിസ്തുവിന്റെ പേരിൽ ഇന്ന് പുതിയ സഭകൾ തുടങ്ങാൻ പാടുണ്ടാ?

Authored by : Fr. George Panamthottam CMI On 29-Aug-2022

ക്രിസ്തു ഒരു സഭയേ സ്ഥാപിച്ചിട്ടുള്ളൂ. അന്നുമുതൽ ഇന്നു വരെയും ലോകാവസാനത്തോളം വരെയും നിലനിൽക്കുന്ന സഭയാണത്. നരകശക്തികൾ അതിനെതിരെ പ്രബലപ്പെടുകയില്ല. എന്നാൽ, വിശുദ്ധ പൗലോസ് പറയുന്നു. “സത്യം വിട്ട് മനുഷ്യൻ പുതുമകളുടെയും കെട്ടുകഥകളുടെയും പുറകെ പോകും" (2 തിമോ. 4:4). പുതിയ സഭകൾ സ്ഥാപിക്കുന്നവരും പുതിയ സഭ തേടി പോകുന്നവരും സത്യത്തെ ഉപേക്ഷിച്ച് പുതുമയെയും കെട്ടുകഥകളെയും തേടുന്നവരാണ്.

താൻ സ്ഥാപിച്ച സഭക്കുവേണ്ടി യേശു പ്രാർത്ഥിക്കുന്നുണ്ട്. "പിതാവേ അങ്ങ് എന്നിലും ഞാൻ  അങ്ങയിലും ആയിരിക്കുന്നതുപോലെ അവരും തമ്മിലായിരിക്കുന്നതിനും... നാം ഒന്നായിരിക്കുന്നതുപോലെ അവരും ഒന്നായിരിക്കുന്നതിനും...'' (യോഹ. 17:21-22) എന്നാണ് അവിടുന്ന് പ്രാർത്ഥിക്കുന്നത്. ഒരാട്ടിൻപറ്റവും ഒരിടയനും (യോഹ. 10:16) ആയിരിക്കാനാണ് എന്നും ആഗ്രഹിക്കുന്നത്. മുന്തിരിച്ചെടിയോട് ചേർന്നു നിൽക്കുമ്പോൾ ശാഖകൾ ഫലം പുറപ്പെടുവിക്കുകയും അകന്നിരിക്കുമ്പോൾ ഉണങ്ങിപ്പോകുകയും ചെയ്യുന്നതുപോലെ (യോഹ. 15:1-17) തന്റെ സഭയോട് ചേർന്നിരുന്ന് വിശ്വാസ ജീവിതം നയിക്കാൻ ക്രിസ്തു ആവശ്യപ്പെടുന്നു. കാരണം, അകലുന്നത് നാശത്തിനു കാരണമാകുമെന്നതുതന്നെ.

സ്വകാര്യമായ ലാഭത്തിനുവേണ്ടിയും സ്വന്തം അഭിപ്രായങ്ങൾക്കനുസൃതവും തിരുവചനം വളച്ചൊടിച്ച് ആളെ കൂട്ടി ക്രിസ്തുവിന്റെ പേരിൽ സഭ സ്ഥാപിക്കുന്നവരും ആ സഭയിലേക്ക് സത്യവിശ്വാസം ഉപേക്ഷിച്ചു പോകുന്നവരും പീഡിപ്പിക്കുന്നത് ക്രിസ്തുവിനെ തന്നെയാണ്. നിരാകരിക്കുന്നത് അവിടുത്തെ തിരുവചനത്തെയും. ക്രിസ്തുവിന്റെ പേരിൽ പുതിയ സഭകൾ തുടങ്ങുവാൻ ആർക്കും തിരുവചനം അനുവാദം നൽകുന്നില്ല. അവിടുത്തെ സഭയിൽ വിശ്വാസം സ്വീകരിച്ചവർ ഉറച്ചുനിൽക്കാനും ഭിന്നിച്ച് അകന്നവർ ഇടയന്റെ ആട്ടിൻകൂട്ടിലേക്ക് തിരികെ എത്താനും ക്രിസ്തു ആഗ്രഹിക്കുകയും തിരുവചനങ്ങളിലൂടെ വ്യക്തമായി നിർദ്ദേശിക്കുകയും ചെയ്യുന്നു.

Living Faith Series : 2 (ചോദ്യം:4)

Living Faith Series : 2 (ചോദ്യം:4) 2 തിമോ. 4:4 ക്രിസ്തുവിന്റെ പേരിൽ ഇന്ന് പുതിയ സഭകൾ തുടങ്ങാൻ പാടുണ്ടാ? യോഹ. 17:21-22 യോഹ. 15:1-17 യോഹ. 10:16 Bible Theology Church Teachings


അഭിപ്രായങ്ങൾ

Your Name Contact Number Email ID
Message