വിവിധ തരത്തിലുള്ള കുർബ്ബാനകളുണ്ടോ ?

Authored by : Syro-Malabar Catechetical Commission On 02-Jun-2021

സീറോ മലബാർ കുർബ്ബാന പുസ്തകത്തിലെ പൊതു നിർദ്ദേശങ്ങളിൽ വിശുദ്ധ കുർബ്ബാനയെക്കുറിച്ച് ഇപ്രകാരം പറഞ്ഞിരിക്കുന്നു : “ നമ്മുടെ കുർബ്ബാനക്ക് മൂന്ന് രൂപങ്ങളുണ്ട് . അല്ലെങ്കിൽ ഒരു കുർബാന തന്നെ മൂന്ന് രീതിയിൽ അർപ്പിക്കുന്നു . ഒന്ന് , ഏറ്റവും ആഘോഷപൂർവ്വകമായ കുർബ്ബാന എന്നു വിശേഷിപ്പിക്കപ്പെടുന്ന റാസ കുർബ്ബാന , രണ്ട് , പാട്ടുകുർബാന എന്നു വിളിക്കുന്ന ആഘോഷപൂർവ്വകമായ കുർബ്ബാന ; മുന്നാമത്തേത് , 'ഒറ്റക്കുർബാന' എന്നു പറയുന്ന സാധാരണ കുർബ്ബാന . യഥാർത്ഥത്തിൽ കുർബ്ബാന ഒന്നേയുള്ളൂ . വിവിധ രീതികളിൽ അർപ്പിക്കുന്നതിന് അടിസ്ഥാനമായിരിക്കുന്നത് അല്ലെങ്കിൽ രൂപഭേദങ്ങൾക്ക് മാനദണ്ഡമായി കണക്കാക്കപ്പെടുന്നത് കാർമ്മികരുടെ എണ്ണം , കർമ്മങ്ങൾ , വായനകൾ , കീർത്തനങ്ങൾ , ധൂപത്തിന്റെ ഉപയോഗം മുതലായവയാണ് . ചുരുക്കത്തിൽ , ഒരു കുർബ്ബാനയേയുള്ളു , പക്ഷേ അത് മൂന്ന് രീതികളിൽ അല്ലെങ്കിൽ മൂന്നു രൂപങ്ങളിൽ അർപ്പിക്കാം എന്നു മാത്രം .

(സീറോ മലബാർ മതബോധന കമ്മീഷൻ പുറത്തിറക്കിയ വിശ്വാസ വഴിയിലെ സംശയങ്ങൾ എന്ന പുസ്തകത്തിൽ നിന്നും)

different type holy eucharist Bible Theology Church Teachings