സഭ എന്തിന് രോഗികളെ പ്രത്യേകമായി പരിചരിക്കണം?

Authored by : Congregation for Doctrine of Faith On 25-Jul-2022

യേശു വ്യക്തമാക്കുന്നു: നാം സഹിക്കുമ്പോൾ സ്വർഗവും സഹിക്കുന്നു. "എൻ്റെ ഏറ്റവും എളിയ സഹോദരരിൽ" (മത്താ 25:40) വീണ്ടും താൻ കണ്ടെത്തപ്പെടണമെന്നുപോലും ദൈവം ആഗ്രഹിക്കുന്നു. അതുകൊണ്ടാണ് രോഗികളെ സുഖപ്പെടുത്തുകയെന്നത് തൻ്റെ ശിഷ്യന്മാർക്കുള്ള ഒരു കേന്ദ്രീയ ദൗത്യമായി നിർദ്ദേശിച്ചത്. അവിടന്ന് അവരോട് കല്പിക്കുന്നു. “രോഗികളെ സുഖപ്പെടുത്തുവിൻ” (മത്താ 10:8). അവർക്ക് അവിടന്ന് ദൈവികാധികാരം വാഗ്ദാനം ചെയ്തു. "അവർ എൻ്റെ നാമത്തിൽ പിശാചുക്കളെ ബഹിഷ്കരിക്കും. അവർ രോഗികളുടെ മേൽ കൈകൾ വയ്ക്കും. അവർ സുഖം പ്രാപിക്കുകയും ചെയ്യും.” (മർക്കോ 16:17-18).

ക്രിസ്തുമതത്തെ തിരിച്ചറിയാനുള്ള സവിശേഷതകളിൽ ഒന്ന് വൃദ്ധരും രോഗികളും ദരിദ്രരും എന്നും അതിൻ്റെ താത്പര്യത്തിൻ്റെ കേന്ദ്രത്തിൽ നിലകൊള്ളുന്നു എന്നതാണ്. പാർശ്വവത്കരിക്കപ്പെട്ടവരും മറ്റുള്ളവരാൽ ഉപേക്ഷിക്കപ്പെട്ടവരുമായവരിൽ യേശുവിനെ കണ്ടെത്തിയ ക്രൈസ്തവ സ്ത്രീ പുരുഷന്മാരുടെ നീണ്ട നിരയിൽ ഒരാളാണ് കൽക്കട്ടയിലെ തെരുവോരങ്ങളിൽ മരണാസന്നരായിക്കിടന്നവരെ എടുത്തു ശുശ്രൂഷിച്ച മദർതെരേസ. ക്രിസ്ത്യാനികൾ യഥാർത്ഥ ക്രിസ്ത്യാനികളാകുമ്പോൾ സൗഖ്യദായകശക്തി അവരിൽ നിന്നു പുറപ്പെടുന്നു. പരിശുദ്ധാത്മാവിൻ്റെ ശക്തികൊണ്ട് മറ്റുള്ളവരെ ശാരീരികമായി സുഖപ്പെടുത്താനുള്ള ദാനം പോലും ചിലർക്കുണ്ട്. (സുഖപ്പെടുത്താനുള്ള സിദ്ധി).

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:242)

sacrament sick church special care to sick കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം സഭ youcat 242 സഭ എന്തിന് രോഗികളെ പ്രത്യേകമായി പരിചരിക്കണം? Bible Theology Church Teachings