എന്തുകൊണ്ടാണ് സ്വകാര്യസ്വത്തുണ്ടായിരിക്കാൻ വ്യവസ്ഥാതീതമായ അവകാശമില്ലാത്തത്?

Authored by : Congregation for Doctrine of Faith On 08-Aug-2022

സ്വകാര്യസ്വത്തിൻമേൽ വ്യവസ്ഥാതീതമായ അവകാശമില്ല. ആപേക്ഷികമായ അവകാശമേ ഉള്ളൂ. എന്തെന്നാൽ ദൈവം ഭൂമിയും അതിലുള്ള സർവവസ്തുക്കളും എല്ലാവർക്കും വേണ്ടിയാണു സൃഷ്ടിച്ചത്.

സൃഷ്ടിക്കപ്പെട്ട യാഥാർത്ഥ്യങ്ങളുടെ ഭാഗങ്ങൾ, നിയമാനുസൃതമായി നേടിയതോ പൈതൃകമായി ലഭിച്ചതോ സമ്മാനങ്ങളായി കിട്ടിയതോ മൂലം വ്യക്തികളുടെ "സ്വന്ത" മാകുന്നതിനുമുമ്പ് ഈ ഉടമസ്ഥന്മാർ ഒരു വസ്തുത ഓർക്കണം. സാമൂഹിക കടപ്പാടില്ലാത്ത ഒരു വസ്തുവുമില്ല. അതേ സമയം, സ്വകാര്യസ്വത്തുപാടില്ലെന്നും എല്ലാം എല്ലാവരുടേതുമായിരിക്കണമെന്നും അല്ലെങ്കിൽ രാഷ്ട്രത്തിൻ്റെതായിരിക്കണമെന്നും സമ്പത്തിൻ്റെ സാമൂഹിക കടമയെന്ന വസ്തുതയിൽ നിന്ന് നിഗമനമെടുക്കുന്നവരെ സഭ എതിർക്കുന്നു. സ്രഷ്ടാവിൻ്റെ പദ്ധതിയനുസരിച്ച് ഒരു കഷണം ഭൂമി കൈകാര്യം ചെയ്യുകയും പോഷിപ്പിക്കുകയും വളർത്തുകയും ഓരോ വ്യക്തിക്കും അർഹതപ്പെട്ടതു ലഭിക്കത്തക്കവിധം അതിൽ നിന്നുണ്ടാകുന്നവ വിഭജിക്കുകയും ചെയ്യുന്ന ഒരു സ്വകാര്യസ്വത്തുടമ സൃഷ്ടിയെ സംബന്ധിച്ച ദൈവിക കല്പനയനുസരിച്ച് പ്രവർത്തിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം: 427)

സ്വകാര്യസ്വത്ത് private property കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 427 എന്തുകൊണ്ടാണ് സ്വകാര്യസ്വത്തുണ്ടായിരിക്കാൻ വ്യവസ്ഥാതീതമായ അവകാശമില്ലാത്തത്? Bible Theology Church Teachings