എന്തുകൊണ്ടാണ് സഭയെ അപ്പസ്തോലികമെന്നു വിളിക്കുന്നത്?

Authored by : Congregation for Doctrine of Faith On 16-Sep-2022

സഭ അപ്പസ്തോലികം (ശ്ലൈഹികം) എന്നു വിളിക്കപ്പെടുന്നു. എന്തെന്നാൽ അത് അപ്പസ്തോലന്മാർ (ശ്ലീഹന്മാർ) സ്ഥാപിച്ചതാണ്. അത് പാരമ്പര്യം മുറുകെപ്പിടിക്കുന്നു. അവരുടെ പിൻഗാമികളാൽ ഭരിക്കപ്പെടുകയും ചെയ്യുന്നു.[857-860, 869, 877]

അപ്പസ്തോലന്മാരെ യേശു തൻ്റെ ഉറ്റസഹകാരികളായിരിക്കാൻ വേണ്ടി വിളിച്ചു. അവർ അവിടത്തെ ദൃക്സാക്ഷികളായിരുന്നു. അവിടന്ന് ഉത്ഥാനാനന്തരം ആവർത്തിച്ച് ആവർത്തിച്ച് അവർക്ക് പ്രത്യക്ഷപ്പെട്ടു. അവരുടെ മേൽ പരിശുദ്ധാത്മാവിനെ വർഷിക്കുകയും തൻ്റെ ആധികാരിക സന്ദേശവാഹകരായി അവരെ ലോകം മുഴുവനിലേക്കും അയയ്ക്കുകയും ചെയ്തു. അവർ ആദിമസഭയിൽ ഐക്യം ഉറപ്പുവരുത്തി. അവർ കൈവയ്പിലൂടെ പിൻഗാമികളായ മെത്രാന്മാർക്ക് തങ്ങളുടെ ദൗത്യവും അധികാരവും ഏല്പിച്ചു. ഈ പ്രക്രിയയെ അപ്പസ്തോലിക പിൻതുടർച്ച എന്നു വിളിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:137)

അപ്പസ്തോലികം apostolic സഭ ശ്ലൈഹികം കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 137 Bible Theology Church Teachings