വിവാഹത്തിനുമുമ്പുള്ള ലൈംഗിക ബന്ധങ്ങൾ സഭ എന്തുകൊണ്ട് എതിർക്കുന്നു?

Authored by : Congregation for Doctrine of Faith On 05-Aug-2022

എന്തെന്നാൽ, സ്നേഹം സംരക്ഷിക്കാൻ അവൾ ആഗ്രഹിക്കുന്നു. തന്നെക്കാൾ വലിയൊരു ദാനം ആർക്കും നല്കാൻ ഒരുവനും സാധിക്കുകയില്ല. “ഞാൻ നിന്നെ സ്നേഹിക്കുന്നു" എന്നത് രണ്ടുപേരെ സംബന്ധിച്ചും അർത്ഥമാക്കുന്നത് ഇതാണ്: “എനിക്ക് നിന്നെ മാത്രം മതി, നീ എന്തെല്ലാമായിരിക്കുന്നുവോ അതെല്ലാം എനിക്കു വേണം. ഞാൻ എന്നെത്തന്നെ എന്നേക്കുമായി നിനക്കു തരാൻ ആഗ്രഹിക്കുന്നു." ഇത് ഇപ്രകാരമായിരിക്കുകയാൽ താത്കാലികമായി അല്ലെങ്കിൽ പരീക്ഷണാടിസ്ഥാനത്തിൽ “നിന്നെ ഞാൻ സ്നേഹിക്കുന്നു” എന്ന്, നമ്മുടെ ശരീരം കൊണ്ടുപോലും പറയാൻ നമുക്കു സാധ്യമല്ല.

അനേകർ വിവാഹത്തിനുമുമ്പുള്ള ബന്ധങ്ങളെ ഗൗരവപൂർവം കാണുന്നുണ്ട്. എന്നാലും അതിൽ സ്നേഹത്തിനു യോജിക്കാത്ത രണ്ടു കരുതലുകളുണ്ട്. “വിട്ടുപോകാനുള്ള തിരഞ്ഞെടുപ്പും" കുട്ടി ജനിക്കുമോയെന്ന ഭയവും. സ്നേഹം വളരെയേറെ മഹത്ത്വമുള്ളതും വളരെയേറെ പവിത്രവും വളരെയേറെ അനന്യവുമാണ്. അതുകൊണ്ട് ലൈംഗിക ബന്ധങ്ങൾക്കായി വിവാഹം കഴിയുന്നതുവരെ കാത്തിരിക്കാനുള്ള കടമയെക്കുറിച്ച് സഭ യുവജനത്തെ പഠിപ്പിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം: 407)

വിവാഹത്തിനുമുമ്പുള്ള ലൈംഗിക ബന്ധങ്ങൾ premarital sexual relations കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 407 Bible Theology Church Teachings