മറിയം എന്തുകൊണ്ട് കന്യകയായിരിക്കുന്നു?

Authored by : Congregation for Doctrine of Faith On 17-Aug-2022

യേശുവിന് യഥാർത്ഥ മാനുഷിക മാതാവുണ്ടായിരിക്കണമെന്നും എന്നാൽ, ദൈവം മാത്രമായിരിക്കണം അവിടത്തെ പിതാവെന്നും ദൈവം നിശ്ചയിച്ചു. എന്തെന്നാൽ, പുതിയൊരു ആരംഭം ഉളവാക്കാൻ അവിടന്ന് ആഗ്രഹിച്ചു. അത് തന്റേതുതന്നെയായിരിക്കണമെന്നും ഭൗമികശക്തികളുടേതായിരിക്കരുതെന്നും അവിടന്നു നിശ്ചയിച്ചു.

മറിയത്തിൻ്റെ കന്യാത്വം കാലഹരണപ്പെട്ട ഒരു പഴഞ്ചൻ ഐതിഹാസിക സങ്കല്പമല്ല. പിന്നെയോ യേശുവിൻ്റെ ജീവിതത്തെ സംബന്ധിച്ചിടത്തോളം മൗലികമായ ഒന്നാണത്. അവിടന്ന് ഒരു സ്ത്രീയിൽ നിന്നു ജനിച്ചു. പക്ഷേ, അവിടത്തേക്ക് ഒരു മാനുഷിക പിതാവില്ല. അത്യുന്നതങ്ങളിൽ നിന്നു ലോകത്തിൽ സ്ഥാപിച്ച പുതിയൊരു തുടക്കമാണ് യേശുക്രിസ്തു. ലൂക്കായുടെ സുവിശേഷത്തിൽ മറിയം മാലാഖയോടു ചോദിക്കുന്നു: “ഇത് എങ്ങനെ സംഭവിക്കും ഞാൻ പുരുഷനെ അറിയുന്നില്ലല്ലോ?" (ഒരു പുരുഷനോടുകൂടെ ഉറങ്ങുന്നില്ലല്ലോ? (ലൂക്കാ 1:34). മാലാഖ മറുപടി പറഞ്ഞു: “പരിശുദ്ധാത്മാവു നിന്റെ മേൽ വരും” (ലൂക്കാ 1:35). മറിയത്തിന്റെ കന്യാത്വത്തിലുള്ള വിശ്വാസത്തെ പ്രതി സഭ ആദിമകാലം മുതൽ പരിഹസിക്കപ്പെട്ടിരുന്നു. എന്നാലും അവളുടെ കന്യാത്വം യഥാർത്ഥമാണന്നും കേവലം പ്രതീകാത്മകമല്ലെന്നും സഭ എന്നും വിശ്വസിച്ചിരുന്നു.

കത്തോലിക്ക സഭയുടെ യുവജന മതബോധന ഗ്രന്ഥം ചോദ്യം 81

Mary Virgin Mary’s virginity you cat 89 കത്തോലിക്ക സഭയുടെ മതബോധന ഗ്രന്ഥം മേരി മറിയം മറിയത്തിന്റെ കന്യകാത്വം Bible Theology Church Teachings