എന്തുകൊണ്ടാണ് വിവാഹം അലംഘ്യമായിരിക്കുന്നത്?

Authored by : Congregation for Doctrine of Faith On 01-Aug-2022

വിവാഹം മൂന്നു കാരണങ്ങളാൽ അലംഘ്യമായിരിക്കുന്നു. ഒന്ന്: കലവറയില്ലാതെ പരസ്പരം ആത്മസമർപ്പണം ചെയ്യുകയെന്നതാണ് സ്നേഹത്തിൻ്റെ സാരാംശം. രണ്ട് ദൈവത്തിനു തൻ്റെ സൃഷ്ടിയോടുള്ള വ്യവസ്ഥാതീതമായ വിശ്വസ്തതയുടെ ഒരു പ്രതിബിംബമാണത്. മൂന്ന് ക്രിസ്തുവിന് കുരിശിലെ മരണംവരെ പോലും തൻ്റെ സഭയോട് ഉണ്ടായിരുന്ന സമർപ്പണത്തിൻ്റെ പ്രാതിനിധ്യം അതു വഹിക്കുന്നു.

പല സ്ഥലങ്ങളിലും 50% വിവാഹങ്ങളും വിവാഹമോചനത്തിൽ അവസാനിക്കുമ്പോൾ ഓരോ ശാശ്വത വിവാഹവും മഹത്തായ ഒരടയാളമാണ്  ആത്യന്തികമായി ദൈവത്തെ സൂചിപ്പിക്കുന്ന അടയാളം. വളരെയേറെ കാര്യങ്ങൾ ആപേക്ഷികമായിരിക്കുന്ന ഈ ഭൂമിയിൽ മനുഷ്യൻ ഏക നിരപേക്ഷനായ ദൈവത്തിൽ വിശ്വസിക്കണം. അതുകൊണ്ടാണ് ആപേക്ഷികമല്ലാത്തതെല്ലാം വളരെ പ്രധാനപ്പെട്ടവയാകുന്നത്. നിരപേക്ഷമായി സത്യം പറയുന്ന ഒരാൾ, അല്ലെങ്കിൽ നിരുപാധികമായി ആത്മാർത്ഥതയുള്ള ഒരാൾ. വിവാഹത്തിലുള്ള വിശ്വസ്തത ഒരു മാനുഷിക നേട്ടമല്ല. അതിലേറെ അത് ദൈവത്തിൻ്റെ വിശ്വസ്തതയാണ്. നാം പല തരത്തിലും അവിടത്തെ ഒറ്റിക്കൊടുക്കുകയോ മറക്കുകയോ ചെയ്താൽപ്പോലും അവിടന്ന് കൂടെയുണ്ടായിരിക്കും. സഭയിൽ വിവാഹിതരായിരിക്കുകയെന്നതിൻ്റെ അർത്ഥം സ്നേഹത്തിൻ്റെ സ്വന്തം വിഭവങ്ങളെയെന്നതിനെക്കാൾ ദൈവസഹായത്തിൽ ആശ്രയിക്കുകയെന്നതാണ്.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:263)

sacrament marriage indissoluble marriage കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം വിവാഹം youcat 263 എന്തുകൊണ്ടാണ് വിവാഹം അലംഘ്യമായിരിക്കുന്നത്? Bible Theology Church Teachings