സത്യം പറയുന്നതിന് വിവേചനശക്തി ഉപയോഗിക്കേണ്ടിയിരിക്കുന്നത് എന്തുകൊണ്ട്?

Authored by : Congregation for Doctrine of Faith On 09-Aug-2022

സത്യം അറിയിക്കുന്നത് വിവേകപൂർവം പരസ്നേഹത്തിൻ്റെ സാഹചര്യത്തിലായിരിക്കണം. പലപ്പോഴും സത്യത്തെ ഒരായുധമായി ഉപയോഗിക്കുന്നു. അങ്ങനെ അത് സർഗാത്മക ഫലത്തിനുപകരം നാശകരമായ ഫലം ഉളവാക്കുന്നു.

ഒരു വിവരം അറിയിക്കുമ്പോൾ സോക്രട്ടീസിൻ്റെ “മൂന്നു അരിപ്പകൾ" ഉപയോഗിക്കണം. ഇതു സത്യമാണോ? ഇത് കരുണയുള്ളതാണോ? ഇതു സഹായകരമാണോ? പ്രൊഫഷണലായി രഹസ്യങ്ങൾ കൈകാര്യം ചെയ്യുമ്പോഴും വിവേചനശക്തി ഉപയോഗിക്കണം. കർശനമായ മാനദണ്ഡങ്ങളാൽ നിർവചിക്കപ്പെട്ട സവിശേഷ സന്ദർഭങ്ങളിലൊഴികെ, അവർ ആ രഹസ്യങ്ങൾ എപ്പോഴും സൂക്ഷിക്കണം. അതുപോലെ രഹസ്യത്തിൻ്റെ മുദ്രയുടെ കീഴിൽ അറിയിക്കപ്പെട്ട വിശ്വസ്ത വിവരങ്ങൾ പരസ്യപ്പെടുത്തുന്ന ആരും പാപം ചെയ്യുന്നു. നാം പറയുന്നതെല്ലാം സത്യമായിരിക്കണം. എന്നാൽ സത്യമായതെല്ലാം പറയണമെന്നില്ല.

കത്തോലിക്കാ സഭയുടെ യുവജന മതബോധനഗ്രന്ഥം(ചോദ്യം: 447)

സത്യം truth discretion വിവേചനശക്തി കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 457 സത്യം പറയുന്നതിന് വിവേചനശക്തി ഉപയോഗിക്കേണ്ടിയിരിക്കുന്നത് എന്തുകൊണ്ട്? Bible Theology Church Teachings