ജീവിതകാലം മുഴുവനും ദാരിദ്ര്യത്തിലും അവിവാഹിതചാരിത്രത്തിലും അനുസരണത്തിലും കഴിച്ചുകൂട്ടുന്ന ക്രിസ്ത്യാനികളുണ്ടായിരിക്കണമെന്ന് എന്തുകൊണ്ട് യേശു ആഗ്രഹിക്കുന്നു?

Authored by : Congregation for Doctrine of Faith On 19-Sep-2022

ദൈവം സ്നേഹമാണ്. നമ്മുടെ സ്നേഹം അവിടന്ന് ആഗ്രഹിക്കുന്നു. ദൈവത്തിനു സ്നേഹപൂർവം സ്വയം സമർപ്പിക്കുന്നതിൻ്റെ ഒരു രൂപം യേശു ജീവിച്ചതുപോലെ ദരിദ്രനും ബ്രഹ്മചാരിയും അനുസരണമുള്ളവനുമായി ജീവിക്കുകയെന്നതാണ്. ഈ വിധത്തിൽ ജീവിക്കുന്ന ഒരാൾക്ക് ദൈവത്തിനും അയല്ക്കാരനും വേണ്ടി പ്രവർത്തിക്കാൻ സ്വതന്ത്രമായ തലയും ഹൃദയവും കൈകളുമുണ്ട്. [914 - 933, 944 - 945|

ഓരോ നൂറ്റാണ്ടിലും ചില ക്രിസ്ത്യാനികൾ യേശുവിനു പൂർണമായി സ്വയം സമർപ്പിച്ചിട്ടുണ്ട്. അവർ “ദൈവരാജ്യത്തിനുവേണ്ടി" (മത്താ 19:12) ദൈവത്തിന് എല്ലാം പരിത്യജിച്ചു. സ്വകാര്യസ്വത്ത്, സ്വയംനിർണയം, വിവാഹ ജീവിതത്തിലെ സ്നേഹം മുതലായ വിസ്മയനീയദാനങ്ങൾ പോലും ത്യജിച്ചു. ദാരിദ്ര്യം, ബ്രഹ്മചര്യം, അനുസരണം എന്നീ സുവിശേഷോപദേശങ്ങളനുസരിച്ചുള്ള ഈ ജീവിതം, ലോകം എല്ലാം അല്ല എന്ന് സകല ക്രിസ്ത്യാനികളെയും കാണിക്കുന്നു. ഒരു വ്യക്തിയെ ആത്യന്തികമായി സന്തുഷ്ടനാക്കുന്നത് ദൈവികമണവാളനുമായുള്ള “മുഖാമുഖ" കണ്ടുമുട്ടലാണ്.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:145)

അവിവാഹിതചാരിത്രം അനുസരണം ദാരിദ്ര്യം poverty obedience unmarried chastity കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 145 Bible Theology Church Teachings