ദൈവം തനിക്കുതന്നെ പേരുകല്പിക്കുന്നത് എന്തുകൊണ്ട്?

Authored by : Congregation for Doctrine of Faith On 17-Aug-2022

തന്നെ വിളിക്കുന്നതിനുള്ള സാധ്യത നല്കാൻ വേണ്ടി ദൈവം തനിക്കുതന്നെ പേരിടുന്നു.

അറിയപ്പെടാത്തവനായി നിലകൊള്ളാൻ ദൈവം ആഗ്രഹിക്കുന്നില്ല. “കൂടുതൽ ഉയർന്ന സത്ത"യായി തന്നെത്തന്നെ മാറ്റി നിറുത്താൻ, അതായത് കേവലം ഊഹിച്ചറിയേണ്ട ആളായി നിലകൊള്ളാൻ അവിടന്ന് ആഗ്രഹിക്കുന്നില്ല. യഥാർത്ഥത്തിലുള്ള സജീവവ്യക്തിയായി അറിയപ്പെടാനും വിളിക്കപ്പെടാനും ദൈവം ആഗ്രഹിക്കുന്നു. കത്തിജ്വലിച്ചുകൊണ്ടിരിക്കുന്ന മുൾപടർപ്പിൽ ദൈവം മോശയ്ക്ക് തൻ്റെ പേരു വെളിപ്പെടുത്തി. യാഹ്വേ (പുറ 3:14), ദൈവം തൻ്റെ ജനത്തിന് തന്നെ വിളിക്കാനുള്ള സാധ്യത നല്കുന്നു. എന്നാലും അവിടന്ന് മറഞ്ഞിരിക്കുന്ന ദൈവമാണ്. രഹസ്യമായ സാന്നിദ്ധ്യമാണ്. ബഹുമാനം മൂലം ദൈവത്തിൻ്റെ നാമം ഇസ്രായേലിൽ പറയപ്പെട്ടിരുന്നില്ല ( ഇന്നും പറയുന്നില്ല). അതിനു പകരമായി, അദോണായി എന്ന പേര് ഉപയോഗിക്കുന്നു. കർത്താവ് എന്നാണ് അതിൻ്റെ അർത്ഥം. പുതിയനിയമത്തിൽ യേശുവിനെ യഥാർത്ഥ ദൈവമായി മഹത്ത്വപ്പെടുത്തുമ്പോൾ ആ വാക്കുതന്നെ ഉപയോഗിക്കുന്നു: “യേശു കർത്താവാണ്" (റോമ 10:9).

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:31)

ദൈവം തനിക്കുതന്നെ പേരുകല്പിക്കുന്നത് എന്തുകൊണ്ട്? why does god give himeself a name കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 31 Bible Theology Church Teachings