എന്തുകൊണ്ടാണ് നാം വിശ്വാസം കൈമാറുന്നത്?

Authored by : Congregation for Doctrine of Faith On 16-Jul-2022

നാം വിശ്വാസം കൈമാറുന്നു. കാരണം, യേശു നമ്മോട് ഇപ്രകാരം കല്പിച്ചു: “ആകയാൽ നിങ്ങൾ പോയി സകലജനതകളെയും ശിഷ്യപ്പെടുത്തുവിൻ" (മത്താ 28;19)

യഥാർത്ഥ ക്രിസ്ത്യാനിയായ ആരും വിശ്വാസം പകർന്നുനല്കൽ വിദഗ്ധർക്ക് (അധ്യാപകർ, അജപാലകർ, മിഷണറിമാർ) മാത്രമായി വിട്ടുകൊടുക്കുകയില്ല. നമ്മൾ മറ്റുള്ളവർക്ക് ക്രിസ്തു ആണ്. മറ്റുള്ളവരിലേക്കു ദൈവം വന്നുചേരണമെന്ന് ഓരോ യഥാർത്ഥ ക്രിസ്ത്യാനിയും ആഗ്രഹിക്കുന്നുവെന്നുകൂടി അതിനർത്ഥമുണ്ട്. ആ വ്യക്തി തന്നോടുതന്നെ ഇങ്ങനെ പറയുന്നു: “കർത്താവിന് എന്നെ ആവശ്യമുണ്ട്. എനിക്കു മാമ്മോദീസയും സ്ഥൈര്യലേപനവും നല്കപ്പെട്ടിട്ടുണ്ട്. ദൈവത്തെപ്പറ്റി അറിയാനും സത്യത്തിൻ്റെ അറിവിലേക്കു വരാനും (1 തിമോ 2:46) ചുറ്റുമുള്ളവരെ സഹായിക്കാൻ എനിക്കു കടമയുണ്ട്". മദർതെരേസ നല്ലൊരു ഉപമ ഉപയോഗിക്കുന്നു: “തെരുവുകളിലൂടെ വൈദ്യുതകമ്പികൾ പാകിയിരിക്കുന്നതു നാം കാണുന്നു. അവയിലൂടെ വൈദ്യുതി പ്രവഹിക്കുന്നില്ലെങ്കിൽ പ്രകാശമുണ്ടാവുകയില്ല. ഈ വൈദ്യുതകമ്പി നിങ്ങളും ഞാനുമാണ്. വൈദ്യുതി ദൈവമാണ്. നമ്മിലൂടെ വൈദ്യുതി ഒഴുകാൻ അനുവദിക്കാനും അങ്ങനെ ലോകത്തിനു പ്രകാശം ഉത്പാദിപ്പിക്കാനും നമുക്കു കഴിയും. ലോകത്തിന്റെ ആ പ്രകാശം യേശു ആണ്. അല്ലെങ്കിൽ അപ്രകാരം നാം ഉപയോഗിക്കപ്പെടാൻ സമ്മതിക്കാതിരിക്കാനും അങ്ങനെ അന്ധകാരം വ്യാപിക്കാൻ അനുവദിക്കാനും നമുക്കു കഴിയും".

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം:11)

കത്തോലിക്ക സഭയുടെ മതബോധന ഗ്രന്ഥം മതബോധനഗ്രന്ഥം transmission of the faith Mother Teresa faith youcat 11 എന്തുകൊണ്ടാണ് നാം വിശ്വാസം കൈമാറുന്നത്? Bible Theology Church Teachings