ദൈവം എന്തുകൊണ്ട് മനുഷ്യനെ പുരുഷനും സ്ത്രീയുമായി സൃഷ്ടിച്ചു?

Authored by : Congregation for Doctrine of Faith On 24-Aug-2022

അവർ ഒന്നിച്ച് തൻ്റെ പ്രകൃതിയുടെ പ്രതിരൂപമായിരിക്കാൻ വേണ്ടിയാണത്. [369-373, 383]

മനുഷ്യജീവി ആണോ പെണ്ണോ ആയിരിക്കുന്നു. എതിർലിംഗത്തോടുള്ള ഒരു കണ്ടുമുട്ടലിൽ സാക്ഷാത്കാരവും പൂർണതയുമുണ്ടാകാൻ അത്യധികം ആഗ്രഹിക്കുകയും ചെയ്യുന്നു. ഈ വിധത്തിലുള്ളവനായാണ് ദൈവം മനുഷ്യജീവിയെ സൃഷ്ടിച്ചത്. പുരുഷന്മാർക്കും സ്ത്രീകൾക്കും തികച്ചും ഒരേ മഹത്ത്വമാണുള്ളത്. എന്നാൽ അവരുടെ പുരുഷത്വത്തിൻ്റെയും സ്ത്രീത്വത്തിൻ്റെയും സർഗാത്മകമായ വികസനത്തിൽ ദൈവത്തിൻ്റെ പൂർണതയുടെ വിവിധവശങ്ങൾ പ്രകാശിപ്പിക്കുന്നു. ദൈവം ആണോ പെണ്ണോ അല്ല. എന്നാൽ താൻ പിതാവിനെപ്പോലെയും (ലൂക്ക 6:36) മാതാവിനെപ്പോലെയും (ഏശ 66:13) തന്നെത്തന്നെ കാണിച്ചു. സ്ത്രീപുരുഷസ്നേഹത്തിൽ പ്രത്യേകിച്ച് സ്ത്രീയും പുരുഷനും “ഒറ്റശരീര”മായിത്തീരുന്ന (ഉത്പ 2:24) വിവാഹത്തിൻ്റെ കൂട്ടായ്മയിൽ മനുഷ്യർക്ക് ഒരു വിശേഷാനുകൂല്യം ലഭിക്കുന്നു. ദൈവവുമായുള്ള ഐക്യത്തിൻ്റെ സന്തോഷം കുറെയെല്ലാം അനുഭവിക്കാൻ കഴിയുന്നുവെന്നതാണത്. ആ ഐക്യത്തിൽ ഓരോമനുഷ്യനും തൻ്റെ ആത്യന്തികമായ സമഗ്രത കണ്ടെത്തുന്നു. ദൈവത്തിൻ്റെ സ്നേഹം വിശ്വസ്തമാണ്. അതുപോലെ അവരുടെ സ്നേഹവും വിശ്വസ്തതാപൂർണമായിരിക്കാൻ പരിശ്രമിക്കുന്നു. അത് സൃഷ്ടിപരവുമാണ്, ദൈവത്തെപ്പോലെതന്നെ. എന്തെന്നാൽ വിവാഹത്തിൽനിന്ന് പുതിയ ജീവൻ വരുന്നു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:64)

സ്ത്രീയും പുരുഷനും male and female ദൈവം എന്തുകൊണ്ട് മനുഷ്യനെ പുരുഷനും സ്ത്രീയുമായി സൃഷ്ടിച്ചു? Why did God create man male and female? കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 64 Bible Theology Church Teachings