ആർക്കാണ് സ്ഥൈര്യലേപനം സ്വീകരിക്കാവുന്നത്? സ്ഥൈര്യലേപനത്തിനുള്ള അർത്ഥിയിൽ നിന്ന് എന്താണ് ആവശ്യപ്പെടുന്നത്?

Authored by : Congregation for Doctrine of Faith On 05-Jul-2022

മാമ്മോദീസയെന്ന കൂദാശ സ്വീകരിച്ച്, “വരപ്രസാദാവസ്ഥ"യിലായിരിക്കുന്ന കത്തോലിക്കനായ ഏതു ക്രിസ്ത്യാനിക്കും സ്ഥൈര്യലേപനം സ്വീകരിക്കാം. [1306-1311, 1319)]

വരപ്രസാദാവസ്ഥയിലായിരിക്കുകയെന്നതിൻ്റെ അർത്ഥം ഗൗരവാവഹമായ പാപം (മാരകപാപം) ചെയ്യാതിരിക്കുകയെന്നതാണ്. ഗൗരവമുള്ള പാപം വഴി ഒരു വ്യക്തി ദൈവത്തിൽ നിന്നു സ്വയം വേർപെടുന്നു. നല്ല കുമ്പസാരം വഴി മാത്രമേ ദൈവത്തോടു രമ്യതപ്പെടാൻ കഴിയുകയുള്ളൂ. സ്ഥൈര്യലേപനത്തിനു തയ്യാറാകുന്ന (യുവ) ക്രൈസ്തവൻ തൻ്റെ ജീവിതത്തിൻ്റെ ഒരു സുപ്രധാന ഘട്ടത്തിലാണെന്നു സ്വയം കണ്ടെത്തുന്നു. ഹൃദയം കൊണ്ടും ധാരണാശക്തികൊണ്ടും വിശ്വാസം ഗ്രഹിക്കാൻ ചെയ്യാവുന്നതെല്ലാം അയാൾ ചെയ്യും. പരിശുദ്ധാത്മാവിനെ ലഭിക്കാൻ വേണ്ടി തനിച്ചും മറ്റുള്ളവരോടുകൂടെയും പ്രാർത്ഥിക്കും. തന്നോടുതന്നെയും ചുറ്റുമുള്ളവരോടും ദൈവത്തോടും രമ്യതപ്പെടും. നല്ല കുമ്പസാരം ഇതിൻ്റെ ഒരു ഭാഗമാണ്. കാരണം, മാരകപാപം ചെയ്തിട്ടില്ലെങ്കിലും ദൈവത്തോടു കൂടുതൽ അടുക്കാൻ അതു സഹായിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:206)

confirmation who can be confirmed confirmation requirements കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 206 ആർക്കാണ് സ്ഥൈര്യലേപനം സ്വീകരിക്കാവുന്നത്? സ്ഥൈര്യലേപനത്തിനുള്ള അർത്ഥിയിൽ നിന്ന് എന്താണ് ആവശ്യപ്പെടുന്നത്? Bible Theology Church Teachings