ജീവിതത്തിൽ ഒരിക്കൽ മാത്രം സ്വീകരിക്കാവുന്ന കൂദാശകൾ ഏതൊക്കെയാണ്?

Authored by : Congregation for Doctrine of Faith On 23-Mar-2022

മാമ്മോദീസ, സ്ഥൈര്യലേപനം, തിരുപ്പട്ടങ്ങൾ. ഈ കൂദാശകൾ ക്രൈസ്തവൻ്റെ ആത്മാവിൽ മായ്ക്കപ്പെടാനാവാത്ത അടയാളം പതിക്കുന്നു. മാമ്മോദീസയും സ്ഥൈര്യലേപനവും അവനെ എന്നേക്കുമായി ദൈവപുത്രനും ക്രിസ്തുസദൃശനുമാക്കുന്നു. അതുപോലെ തിരുപ്പട്ടങ്ങൾ കൈസ്തവനിൽ മുദ്ര പതിക്കുന്നുണ്ട്.[ 1121]

ഒരുവൻ എപ്പോഴും തൻ്റെ മാതാപിതാക്കളുടെ സന്താനമായിരിക്കുന്നു. അങ്ങനെ നിലനില്ക്കുകയും ചെയ്യുന്നു. (ചിലപ്പോൾ മാത്രമോ കുറച്ചു മാത്രമോ അങ്ങനെയിരിക്കാനാവുകയില്ല.) അതുപോലെ മാമ്മോദീസ, സ്ഥൈര്യലേപനം എന്നിവയിലൂടെ ഒരുവൻ എന്നേക്കും ദൈവത്തിൻ്റെ ശിശുവായിത്തീരുന്നു. ക്രിസ്തുവിനു സദൃശനായിത്തീരുന്നു. അവിടത്തെ സഭയുടെ അംഗമായിത്തീരുന്നു. ഇതുപോലെ തിരുപ്പട്ടങ്ങൾ (വൈദികത്വം) ഒരുവൻ റിട്ടയർമെന്റുവരെ ചെയ്യുന്ന തൊഴിൽ അല്ല. പിന്നെയോ, അത് തിരിച്ചെടുക്കപ്പെടാനാവാത്ത ഒരു സിദ്ധിയാണ് (കൃപാവര ദാനമാണ്).

ദൈവം വിശ്വസ്തനാകയാൽ ഈ കൂദാശകളുടെ അനന്തരഫലങ്ങൾ ക്രൈസ്തവനെ സംബന്ധിച്ച് എന്നേക്കും കാത്തുസൂക്ഷിക്കപ്പെടുന്നു. ദൈവത്തിൻ്റെ വിളിയോടുള്ള സ്വീകരണ ക്ഷമയും, ഒരു വിളിയും ഒരു സംരക്ഷണവുമായി സൂക്ഷിക്കപ്പെടുന്നു. തന്മൂലം ഈ കൂദാശകൾ ആവർത്തിക്കപ്പെടാൻ പാടില്ല.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം :176)

sacraments and life time sacraments കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം confirmation youcat 176 കൂദാശകൾ ജീവിതത്തിൽ ഒരിക്കൽ മാത്രം സ്വീകരിക്കാവുന്ന കൂദാശകൾ ഏതൊക്കെയാണ്? Bible Theology Church Teachings