വിവാഹത്തിനുള്ളിൽ ലൈംഗിക കണ്ടുമുട്ടലിന് എന്തു പ്രാധാന്യമാണുള്ളത്?

Authored by : Congregation for Doctrine of Faith On 06-Aug-2022

ദൈവത്തിൻ്റെ ഇഷ്ടപ്രകാരം ഭാര്യയും ഭർത്താവും ശാരീരിക ഐക്യത്തിൽ കണ്ടുമുട്ടണം. അവർ സ്നേഹത്തിൽ കൂടുതൽ അഗാധമായി പരസ്പരം ഐക്യപ്പെടുന്നതിനും അവരുടെ സ്നേഹത്തിൽ നിന്ന് കുട്ടികളുണ്ടാകുന്നതിനുമാണത്.

ക്രിസ്തുമതത്തിൽ ശരീരം, സന്തോഷാനുഭവം, ലൈംഗികസന്തോഷം എന്നിവയ്ക്ക് ഉന്നത പദവിയാണുള്ളത്. "ഭൗതികവസ്തു നല്ലതാണെന്നും, ദൈവം തന്നെ ഒരിക്കൽ മനുഷ്യശരീരമെടുത്തെന്നും സ്വർഗത്തിൽപ്പോലും ഒരു തരത്തിലുള്ള ശരീരം നല്കപ്പെടാനിരിക്കുന്നെന്നും അതു നമ്മുടെ സന്തോഷത്തിൻ്റെയും നമ്മുടെ സൗന്ദര്യത്തിൻ്റെയും നമ്മുടെ ഊർജ്ജത്തിൻ്റെയും സാരാംശപരമായ ഭാഗമായിത്തീരാനിരിക്കുന്നുവെന്നും ക്രിസ്തു മതം വിശ്വസിക്കുന്നു. മറ്റ് ഏത് മതത്തെക്കാളും കൂടുതലായി വിവാഹത്തെ ക്രിസ്തുമതം മഹത്ത്വീകരിച്ചിട്ടുണ്ട്. ലോകത്തിലെ മഹോന്നത പ്രേമഗാനങ്ങളെല്ലാം തന്നെ ക്രിസ്ത്യാനികളാണു രചിച്ചത്. ലൈംഗികത അതിൽത്തന്നെ മോശമാണെന്ന് ആരെങ്കിലും പറഞ്ഞാൽ അപ്പോൾ തന്നെ ക്രിസ്തുമതം അതിനെ എതിർക്കും” (സി. എസ്. ലേവിസ്). തീർച്ചയായും സുഖാനുഭവം അതിൽത്തന്നെ ഒരു ലക്ഷ്യമല്ല. ദമ്പതികളുടെ ആനന്ദാനുഭൂതി അതിൽത്തന്നെ അടച്ചു പൂട്ടിയിരിക്കുകയും അതിൽ നിന്നുണ്ടാകാവുന്ന പുതിയ ജീവനോടു തുറവു കാണിക്കാതിരിക്കുകയും ചെയ്യുമ്പോൾ അത് സ്നേഹത്തിൻ്റെ പ്രകൃതിക്ക് ഒട്ടും യോജിച്ചതാവുകയില്ല.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം: 417)

significance of sexual encounter within marriage വിവാഹത്തിനുള്ളിൽ ലൈംഗിക കണ്ടുമുട്ടലിൻ്റെ പ്രാധാന്യം കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം ലൈംഗിക കണ്ടുമുട്ടൽ sexual encounter Bible Theology Church Teachings