ക്രൈസ്തവരുടെ ഐക്യത്തിനുവേണ്ടി നാം എന്തു ചെയ്യണം?

Authored by : Congregation for Doctrine of Faith On 16-Sep-2022

“അവർ എല്ലാവരും ഒന്നായിരിക്കണം" (യോഹ 17:21) എന്ന് വ്യക്തമായി ആഗ്രഹിക്കുന്ന ക്രിസ്തുവിനെ നാം വാക്കിലും പ്രവൃത്തിയിലും അനുസരിക്കണം. [820-822]

ക്രൈസ്തവ ഐക്യം, എത്ര ചെറുപ്പമുള്ളവരോ വൃദ്ധരോ എന്നതു പരിഗണിക്കാതെ, എല്ലാ ക്രൈസ്തവരുടെയും കാര്യമാണ്. യേശുവിൻ്റെ ഏറ്റവും പ്രധാനപ്പെട്ട താത്പര്യം ഐക്യമായിരുന്നു. അവിടന്ന് പിതാവിനോടു പ്രാർത്ഥിച്ചു. “അവർ എല്ലാവരും ഒന്നായിരിക്കുന്നതിന്..... അങ്ങനെ അവിടന്ന് എന്നെ അയച്ചുവെന്ന് ലോകം അറിയുന്നതിനുവേണ്ടി...." (യോഹ 17:21). ക്രിസ്തുവിൻ്റെ ശരീരത്തിലെ മുറിവുകൾ പോലെയാണ് വിഭജനങ്ങൾ അവ വേദനിപ്പിക്കുകയും പഴുക്കുകയും ചെയ്യും. വിഭജനങ്ങൾ ശത്രുതയിലേക്കു നയിക്കുകയും ക്രിസ്ത്യാനികളുടെ വിശ്വാസത്തെയും വിശ്വാസ്യതയെയും ദുർബലപ്പെടുത്തുകയും ചെയ്യും. വിഭജനത്തിൻ്റെ ഉതപ്പു കീഴടക്കാൻ ബന്ധപ്പെട്ട എല്ലാവർക്കും മനഃപരിവർത്തനമുണ്ടാകണം. അതിനോടൊപ്പം സ്വന്തം വിശ്വാസാവബോധത്തെക്കുറിച്ചുള്ള അറിവും വേണം. മറ്റുള്ളവരുമായി സംവാദത്തിൽ ഏർപ്പെടണം. പ്രത്യേകിച്ച് പൊതുവായി പ്രാർത്ഥിക്കണം. മനുഷ്യവംശത്തെ സേവിക്കുന്നതിൽ ക്രൈസ്തവരുടെയിടയിൽ സഹകരണമുണ്ടാകണം. സഭയിൽ അധികാരത്തിലിരിക്കുന്നവർ ദൈവശാസ്ത്രപരമായ സംവാദം ഇടമുറിയാൻ അനുവദിക്കരുത്.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:131)

ക്രൈസ്തവരുടെ ഐക്യം unity of christians unity കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 131 ക്രൈസ്തവരുടെ ഐക്യത്തിനുവേണ്ടി നാം എന്തു ചെയ്യണം? Bible Theology Church Teachings