എന്താണു മോഷണം? ഏഴാം കല്പനയുടെ കീഴിൽ എന്താണ് ഉൾപ്പെടുന്നത്?

Authored by : Congregation for Doctrine of Faith On 09-Aug-2022

മറെറാരാളുടെ വസ്തുക്കൾ നിയമാനുസൃതമല്ലാതെ കൈവശപ്പെടുത്തുന്ന പ്രവൃത്തിയാണ് മോഷണം. 

അന്യൻ്റെ വസ്തുക്കൾ നീതിരഹിതമായി സ്വന്തമാക്കുന്നത്, സിവിൽ നിയമത്തിൽ ആ പ്രവൃത്തി സൂചിപ്പിച്ചിട്ടില്ലെങ്കിൽത്തന്നെയും ഏഴാം പ്രമാണത്തിനെതിരായ പാപകർമ്മമാണ്. ദൈവത്തിൻ്റെ ദൃഷ്ടിയിൽ നീതിരഹിതമാണ്. തീർച്ചയായും ഏഴാം കല്പന മോഷണം സംബന്ധിച്ചു മാത്രമുള്ളതല്ല. നീതിപൂർവകമായ കൂലി അന്യായമായി കൊടുക്കാതിരിക്കുന്നതും കണ്ടു കിട്ടിയ വസ്തു തിരിച്ചു ഉടമസ്ഥനുകൊടുക്കാൻ കഴിയുമെങ്കിലും കൊടുക്കാതിരിക്കുന്നതും പൊതുവേ വഞ്ചന കാണിക്കുന്നതും ഏഴാം കല്പനയ്ക്ക് വിരുദ്ധമാണ്. താഴെപ്പറയുന്ന കാര്യങ്ങൾ സംബന്ധിച്ചും ഏഴാം കല്പന ബാധകമാണ്. മനുഷ്യത്വരഹിതമായ സാഹചര്യങ്ങളിൽ ജോലി ചെയ്യാൻ തൊഴിലാളികളെ നിയമിക്കുന്നത്, ഏർപ്പെട്ട ഉടമ്പടി പാലിക്കാതിരിക്കുന്നത്, സാമൂഹിക കടമകൾ ഒട്ടും പരിഗണിക്കാതെ ലാഭമെല്ലാം ധൂർത്തടിക്കുന്നത്, കൃത്രിമമായി വില വർദ്ധിപ്പിക്കുകയോ കുറയ്ക്കുകയോ ചെയ്യുന്നത്, തൻ്റെ ഉത്തരവാദിത്വത്തിൽപ്പെട്ട സഹപ്രവർത്തകരുടെ തൊഴിലുകൾ അപകടത്തിലാക്കുന്നത്, കൈക്കൂലിയും അഴിമതിയും, നിയമാനുസൃതമല്ലാത്ത പ്രവൃത്തികൾ ചെയ്യാൻ ആശ്രിതരായ സഹതൊഴിലാളികളെ വഴിതെറ്റിക്കുന്നത്, ജോലിയിൽ കൃത്രിമം കാണിക്കുന്നത് അല്ലെങ്കിൽ അനുചിതമായ കൂലി ആവശ്യപ്പെടുന്നത്, പൊതുസ്വത്തു ധൂർത്തടിക്കുന്നത് അല്ലെങ്കിൽ അശ്രദ്ധമായി കൈകാര്യം ചെയ്യുന്നത്, കണക്കുകളിൽ കള്ളത്തരം കാണിക്കുന്നത്, നികുതി കൊടുക്കുന്നതിൽ നിന്ന് ഒഴിഞ്ഞുമാറുന്നത്.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം: 428)

എന്താണു മോഷണം? what is theft കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം ഏഴാം കല്പനയുടെ കീഴിൽ എന്താണ് ഉൾപ്പെടുന്നത്? what falls under the seventh commandment? youcat 428 Bible Theology Church Teachings