മെത്രാന്മാരുടെ ധർമ്മമെന്താണ്?

Authored by : Congregation for Doctrine of Faith On 19-Sep-2022

തങ്ങളെ ഏല്പിച്ചിരിക്കുന്ന പ്രാദേശികസഭയുടെ ഉത്തരവാദിത്വവും മുഴുവൻ സഭയെയും സംബന്ധിച്ചുള്ള ഉത്തരവാദിത്വത്തിൽ ഭാഗഭാഗിത്വവും മെത്രാന്മാർക്കുണ്ട്. അവർ തങ്ങളുടെ അധികാരം പരസ്പരം സംസർഗത്തിലും മുഴുവൻ സഭയുടെയും ഗുണത്തിനായി മാർപാപ്പായുടെ നേതൃത്വത്തിൽ കീഴിലും പ്രയോഗിക്കുന്നു. [886-887, 893-896, 938-939]

മെത്രാന്മാർ ഒന്നാമതായി അപ്പസ്തോലന്മാരായിരിക്കണം. യേശുവിൻ്റെ വിശ്വസ്ത സാക്ഷികളായിരിക്കണം. തന്നെ അനുഗമിക്കാനും അയയ്ക്കപ്പെടാനും വേണ്ടി യേശു അപ്പസ്തോലന്മാരെ വ്യക്തിപരമായി വിളിച്ചു. അതുകൊണ്ട് അവർ ക്രിസ്തുവിനെ മനുഷ്യവംശത്തിനു നല്കുന്നു. മനുഷ്യവംശത്തെ ക്രിസ്തുവിനു നല്കുകയും ചെയ്യുന്നു. അവരുടെ പ്രഘോഷണം, കൂദാശകളുടെ ആഘോഷം, സഭാഭരണം എന്നിവയിലൂടെ ഇതു സംഭവിക്കുന്നു. അപ്പസ്തോലന്മാരുടെ പിൻഗാമിയെന്ന നിലയിൽ മെത്രാൻ തൻ്റെ അപ്പസ്തോലികാധികാരത്തിൻ്റെ ശക്തിയാൽ തൻ്റെ ശുശ്രൂഷ നിർവഹിക്കുന്നു. അദ്ദേഹം ഒരു ഏജന്‍റോ മാർപാപ്പായുടെ ഒരു തരം സഹായിയോ അല്ല. എന്നാലും മാർപാപ്പായോടുകൂടെ അദ്ദേഹത്തിൻ്റെ കീഴിൽ പ്രവർത്തിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:144)

Duties of bishops മെത്രാന്മാരുടെ ധർമ്മം task of the bishops bishops മെത്രാന്മാർ കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 144 Bible Theology Church Teachings