തീർത്ഥാടനത്തിൻ്റെ ലക്ഷ്യമെന്താണ്?

Authored by : Congregation for Doctrine of Faith On 03-Aug-2022

തീർത്ഥാടനത്തിനു പോകുന്ന വ്യക്തി തൻ്റെ കാല്പാദങ്ങൾ കൊണ്ട് പ്രാർത്ഥിക്കുന്നു. തൻ്റെ ജീവിതം മുഴുവനും ദൈവത്തിങ്കലേക്കുള്ള സുദീർഘയാത്രയാണെന്ന് എല്ലാ ഇന്ദ്രിയങ്ങൾ കൊണ്ടും അനുഭവിച്ചറിയുകയും ചെയ്യുന്നു. 

പൗരാണികകാലത്ത് ഇസ്രായേൽക്കാർ ജറുസലേം ദേവാലയത്തിലേക്ക് തീർത്ഥാടനം നടത്തിയിരുന്നു. ക്രിസ്ത്യാനികൾ ഈ പതിവു സ്വീകരിച്ചു. അങ്ങനെ അത്, പ്രത്യേകിച്ച് മധ്യയുഗത്തിൽ വികസിച്ച് വിശുദ്ധ നാടുകളിലേക്കുള്ള സ്ഥിര തീർത്ഥാടന പ്രസ്ഥാനമായി (സർവോപരി ജറുസലേമിലേക്കും റോമിൽ അപ്പസ്തോലന്മാരുടെ കല്ലറകളിലേക്കും സാന്തിയാഗോദേ കൊംപോസ്തേലയിലേക്കും). മിക്കപ്പോഴും ആളുകൾ പ്രായശ്ചിത്ത പ്രവർത്തിയായി തീർത്ഥാടനം നടത്തി. ചിലപ്പോൾ, സ്വയം പീഡിപ്പിച്ചും ശിക്ഷിച്ചും ദൈവതിരുമുമ്പാകെ നീതീകരിക്കപ്പെടാമെന്ന മിഥ്യധാരണയാൽ അവരുടെ പ്രവൃത്തികൾ സ്വാധീനിക്കപ്പെട്ടിരുന്നു. ഇന്ന് തീർത്ഥാടനങ്ങൾ അനന്യമായ നവീകരണം അനുഭവിക്കുന്നു. ദൈവകൃപ നിറഞ്ഞ സ്ഥലങ്ങളിൽ നിന്ന് വരുന്ന സമാധാനവും ശക്തിയും ആളുകൾ തേടുകയാണ്. ഒറ്റയ്ക്ക് തീർത്ഥാടനം നടത്തുന്നതിൽ അവർ മടുക്കുന്നു. അനുദിന ജോലികളുടെ സ്ഥിരമാർഗത്തിൽ നിന്നു പുറത്തുപോകാനും കുറേ “അടിഭാരം" നീക്കിക്കളഞ്ഞ് ദൈവത്തിലേക്ക് സഞ്ചരിച്ചു തുടങ്ങാനും അവർ ആഗ്രഹിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം:276)

sacramentals pilgrimage purpose of pilgrimage കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം തീർത്ഥാടനം youcat 276 തീർത്ഥാടനത്തിൻ്റെ ലക്ഷ്യമെന്താണ്? Bible Theology Church Teachings