എന്താണു വ്യഭിചാരം? വിവാഹമോചനം അതിനു തക്കപരിഹാരമാണോ?

Authored by : Congregation for Doctrine of Faith On 08-Aug-2022

വിവാഹജീവിതം നയിക്കുന്ന ഒരു വ്യക്തി അന്യവ്യക്തിയുമായി ലൈംഗിക ബന്ധത്തിൽ ഏർപ്പെടുന്നതിനെയാണ് വ്യഭിചാരം (അവിഹിതവേഴ്ച) എന്നു പറയുന്നത്. അവരിൽ ഒരാളെങ്കിലും വിവാഹം ചെയ്തിട്ടുണ്ടായിരിക്കണം. വ്യഭിചാരം സ്നേഹത്തെ അടിസ്ഥാനപരമായി ഒറ്റിക്കൊടുക്കലാണ്. ദൈവതിരുമുമ്പാകെ നിർവഹിച്ച ഉടമ്പടിയുടെ ലംഘനവും അയല്ക്കാരനെതിരായ അനീതിയുമാണ്. യേശുതന്നെ വിവാഹത്തിൻ്റെ അവിഭാജ്യതയെപ്പറ്റി വ്യക്തമായി പ്രസ്താവിച്ചിട്ടുണ്ട്: “ആകയാൽ ദൈവം യോജിപ്പിച്ചത് മനുഷ്യൻ വേർപെടുത്താതിരിക്കട്ടെ" (മർക്കോ 10:9). സ്രഷ്ടാവിൻ്റെ നിശ്ചയം ഉദ്ധരിച്ചുകൊണ്ട് യേശു പഴയനിയമത്തിൽ അനുവദിച്ചിരുന്ന വിവാഹമോചന സമ്പ്രദായം അസാധുവാക്കി.

യേശു നല്കുന്ന ഈ സന്ദേശത്തിലെ പ്രോത്സാഹനജനകമായ വാഗ്ദാനം ഇതാണ്: “സ്വർഗസ്ഥനായ നിങ്ങളുടെ പിതാവിൻ്റെ മക്കളെന്ന നിലയിൽ ആജീവനാന്ത സ്നേഹം നിങ്ങൾക്കു സാധ്യമാണ്”. എന്നാലും ജീവിതകാലം മുഴുവനും ജീവിതപങ്കാളിയോടു വിശ്വസ്തത പുലർത്തുക എളുപ്പമുള്ള കാര്യമല്ല. വിവാഹ ജീവിതത്തിൽ പരാജയപ്പെട്ടവരെ നാം ശപിച്ചുതള്ളരുത്. എന്നാലും ഉത്തവാദിത്വബോധമില്ലാതെ വിവാഹമോചനത്തിനു കാരണക്കാരാകുന്ന ക്രൈസ്തവർ കുറ്റക്കാരാകുന്നു. വിവാഹത്തിൽ ദൃശ്യമാകുന്ന ദൈവസ്നേഹത്തിനെതിരേ അവർ പാപം ചെയ്യുന്നു. ഉപേക്ഷിക്കപ്പെട്ട ജീവിതപങ്കാളിക്കും ഉപേക്ഷിക്കപ്പെട്ട കുട്ടികൾക്കും എതിരേ അവർ പാപം ചെയ്യുന്നു. തീർച്ചയായും അസഹ്യമായ ഒരു വിവാഹജീവിതത്തിൽ വിശ്വസ്തത പുലർത്തുന്ന പങ്കാളിക്ക് പങ്കു വയ്ക്കപ്പെട്ട ജീവിത സൗകര്യങ്ങളിൽ നിന്നു പുറത്തു പോകാവുന്നതാണ്. ഗൗരവപൂർണമായ ചില സാഹചര്യങ്ങളിൽ സിവിൽ കോടതിയെ സമീപിക്കുക അത്യാവശ്യമായിരിക്കും. സുസ്ഥാപിതമായ കേസുകളിൽ അസാധുവാക്കൽ പ്രക്രിയയിലൂടെ വിവാഹത്തിൻ്റെ സാധുത പരിശോധിക്കാൻ സഭയ്ക്ക് കഴിയും.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം: 424)

വ്യഭിചാരം വിവാഹമോചനം adultery divorce കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 424 എന്താണു വ്യഭിചാരം? വിവാഹമോചനം അതിനു തക്കപരിഹാരമാണോ? Bible Theology Church Teachings