സ്ഥൈര്യലേപനത്തിൽ എന്താണു സംഭവിക്കുന്നത്?

Authored by : Congregation for Doctrine of Faith On 02-Jul-2022

മാമ്മോദീസ സ്വീകരിച്ച ക്രൈസ്തവൻ്റെ ആത്മാവിൽ സ്ഥൈര്യലേപനം സ്ഥിരമുദ്ര പതിക്കുന്നു. അത് ഒരിക്കൽ മാത്രം സ്വീകരിക്കാവുന്നതാണ്. അത് എന്നേക്കും ക്രൈസ്തവനായി വ്യക്തിയെ അടയാളപ്പെടുത്തുന്നു. ഉന്നതത്തിൽ നിന്നുള്ള ശക്തിയാണ് പരിശുദ്ധാത്മാവ് എന്ന ദാനം. ആ വ്യക്തി മാമ്മോദീസയുടെ കൃപ ജീവിതത്തിലൂടെ പ്രയോഗത്തിലാക്കുകയും ക്രിസ്തുവിൻ്റെ “സാക്ഷി”യായി പ്രവർത്തിക്കുകയും ചെയ്യുന്നു [1302-1305, 1317]

സ്ഥിരീകരിക്കപ്പെടുകയെന്നതിൻ്റെ അർത്ഥം ദൈവവുമായി ഒരു “ഉടമ്പടി”യിൽ ഏർപ്പെടുകയെന്നാണ്. സ്ഥിരീകരിക്കപ്പെട്ട വ്യക്തി ഇങ്ങനെ പറയുന്നു. - "അതേ, എൻ്റെ ദൈവമേ, ഞാൻ അങ്ങിൽ വിശ്വസിക്കുന്നു. അവിടത്തെ പരിശുദ്ധാത്മാവിനെ എനിക്കു നല്കണമേ. അങ്ങനെ ഞാൻ മുഴുവനായി അങ്ങയുടേതാവട്ടെ. ഒരിക്കലും അങ്ങയിൽ നിന്നു വേർപെടാതിരിക്കട്ടെ. ജീവിതകാലം മുഴുവനും, ആത്മാവോടും ശരീരത്തോടും കൂടെ, വാക്കുകൾകൊണ്ടും പ്രവൃത്തികൾകൊണ്ടും നല്ലദിനങ്ങളിലും ചീത്തദിവസങ്ങളിലും അങ്ങേക്കു സാക്ഷ്യം വഹിക്കട്ടെ..." അപ്പോൾ ദൈവം പറയുന്നു, “എൻ്റെ കുഞ്ഞേ, ഞാൻ നിന്നിൽ വിശ്വസിക്കുന്നു. ഞാൻ തന്നെയാകുന്ന എൻ്റെ ആത്മാവിനെ നിനക്കു ഞാൻ തരും. ഞാൻ മുഴുവനായി നിൻ്റെതായിരിക്കും. ഞാൻ നിന്നിൽ നിന്ന് ഒരിക്കലും എന്നേക്കുമായി വേർപെടുകയില്ല. ഈ ജീവിതത്തിലോ വരും ജീവിതത്തിലോ വേർപെടുകയില്ല. ഞാൻ നിൻ്റെ ശരീരത്തിലും ആത്മാവിലും വാക്കുകളിലും പ്രവൃത്തികളിലും ഉണ്ടായിരിക്കും. നീ എന്നെ മറന്നാലും നല്ല ദിവസങ്ങളിലും ചീത്ത ദിവസങ്ങളിലും ഞാൻ നിന്നോടൊപ്പമുണ്ടായിരിക്കും".

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:205)

sacraments confirmation what happens in confirmation കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 205 സ്ഥൈര്യലേപനത്തിൽ എന്താണു സംഭവിക്കുന്നത്? Bible Theology Church Teachings