അന്തിമാത്താഴത്തിൽ എന്താണു സംഭവിച്ചത്?

Authored by : Congregation for Doctrine of Faith On 25-Aug-2022

യേശു തൻ്റെ മരണത്തിനുമുമ്പ്, സായംസന്ധ്യയിൽ തൻ്റെ അപ്പസ്തോലന്മാരുടെ കാലുകൾ കഴുകി. അവിടന്ന് കുർബാന സ്ഥാപിച്ചു. പുതിയ ഉടമ്പടിയുടെ പൗരോഹിത്യം സ്ഥാപിച്ചു. [610-611]

യേശു തൻ്റെ പരമമായ സ്നേഹം മൂന്നു വിധത്തിൽ പ്രകടിപ്പിച്ചു. അവിടന്ന് തൻ്റെ ശിഷ്യന്മാരുടെ പാദങ്ങൾ കഴുകുകയും സേവനം ചെയ്യുന്നവനെന്ന നിലയിൽ നമ്മിൽ ഒരുവനാണെന്നു കാണിക്കുകയും ചെയ്തു (ലൂക്കാ 22:27). അപ്പം, വീഞ്ഞ് എന്നീ കാഴ്ചവസ്തുക്കളുടെ മേൽ താഴെപ്പറയുന്ന വാക്കുകൾ ഉച്ചരിച്ചുകൊണ്ട് അവിടന്ന് പ്രതീകാത്മകമായി തൻ്റെ പീഡാസഹനം മുൻകൂട്ടി ആസ്വദിച്ചു: “ഇത് നിങ്ങൾക്കു വേണ്ടി നല്കപ്പെടുന്ന എൻ്റെ ശരീരമാണ്.” (ലൂക്കാ 22:19 ). ഇങ്ങനെ അവിടന്ന് കുർബാന സ്ഥാപിച്ചു. “എൻ്റെ ഓർമ്മയ്ക്കായി നിങ്ങൾ ഇതു ചെയ്യുവിൻ” (1 കോറി 11:24b) എന്ന് അപ്പസ്തോലന്മാരോടു പറഞ്ഞപ്പോൾ അവിടന്ന് അവരെ പുതിയ ഉടമ്പടിയുടെ പുരോഹിതരാക്കി.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:99)

അന്തിമാത്താഴം last supper അന്തിമാത്താഴത്തിൽ എന്താണു സംഭവിച്ചത്? What happened at the Last Supper? കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 99 Bible Theology Church Teachings