എയ്ഡ്സ് രോഗത്തിനെതിരെ പട പൊരുതാൻവേണ്ടി കോണ്ടം ഉപയോഗിക്കുന്നതു സംബന്ധിച്ച് സഭ എന്തു പറയുന്നു?

Authored by : Congregation for Doctrine of Faith On 06-Aug-2022

രോഗസംക്രമണത്തിനെതിരെ കോണ്ടം സമ്പൂർണ സുരക്ഷിതത്വം നല്കുന്നില്ലെന്നത് ഒരു യാഥാർത്ഥ്യമാണ്. അതിനുപുറമേ എയ്ഡ്സ് എന്ന പകർച്ചവ്യാധി തടയാനുള്ള ഏകപക്ഷീയവും യാന്ത്രികവുമായ മാർഗമെന്ന നിലയിൽ സഭ അവയുടെ ഉപയോഗം നിരോധിക്കുകയും ചെയ്യുന്നു. സർവോപരി, മാനുഷിക ബന്ധങ്ങളുടെ പുതിയൊരു സംസ്കാരത്തിനായും സാമുഹിക ബോധത്തിൻ്റെ പരിവർത്തനത്തിനായും വാദിക്കുകയും ചെയ്യുന്നു.

വിശ്വസ്തതയുടെ അഭ്യസനവും സാന്ദർഭിക ലൈംഗികസമ്പർക്കങ്ങളിൽ നിന്നുള്ള ഒഴിഞ്ഞുമാറലും മാത്രമേ എയ്ഡ്സിൽ നിന്ന് സ്ഥിരസംരക്ഷണം നല്കുകയുള്ളൂ. അതുമാത്രമേ സ്നേഹത്തോടുള്ള സമഗ്രവും സ്വസ്ഥവുമായ സമീപനത്തെക്കുറിച്ചു പഠിപ്പിക്കുകയുള്ളൂ. സ്ത്രീകൾക്കും പുരുഷൻമാർക്കുമുള്ള തുല്യമഹത്ത്വത്തോടുള്ള ബഹുമാനം, കുടുംബത്തിൻ്റെ ആരോഗ്യം സംബന്ധിച്ച ഔത്സുക്യം, ഉൾപ്രേരണകളെയും ആഗ്രഹങ്ങളെയും കൈകാര്യം ചെയ്യുന്നതിലുള്ള ഉത്തരവാദിത്വം, (ഉചിതസമയങ്ങളിൽ) ലൈംഗിക വേഴ്ചയിൽ നിന്നു മാറി നില്ക്കൽ എന്നിവയെല്ലാം അതിൻ്റെ ഭാഗങ്ങളാണ്. സാമൂഹികമായ പ്രചാരണ പദ്ധതികൾ വഴി അത്തരം പെരുമാറ്റ രീതി വളർത്തിയ ആഫ്രിക്കൻ രാജ്യങ്ങളിൽ രോഗബാധയുടെ നിരക്ക് ശ്രദ്ധേയമാംവിധം കുറഞ്ഞിട്ടുണ്ട്. കൂടാതെ, എയ്ഡ്സ് ബാധിച്ചവരെ സഹായിക്കാൻ ആവുന്നതെല്ലാം കത്തോലിക്കാ സഭ ചെയ്യുന്നുമുണ്ട്.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം: 414)

aids and usage of condom എയ്ഡ്സ് രോഗം കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 414 Bible Theology Church Teachings