ജനാധിപത്യത്തെപ്പറ്റി സഭ എന്തു പറയുന്നു?

Authored by : Congregation for Doctrine of Faith On 09-Aug-2022

സഭ ജനാധിപത്യത്തെ പിന്താങ്ങുന്നു. എന്തെന്നാൽ നിയമത്തിൻ്റെ മുമ്പിൽ സമത്വം നേടുന്നതിനും മനുഷ്യാവകാശങ്ങൾ സംരക്ഷിക്കുന്നതിനും മറ്റ് എല്ലാ സമ്പ്രദായങ്ങളെക്കാളും ഏറ്റവും നല്ല വ്യവസ്ഥകൾ അതു നല്കുന്നു. എന്നാൽ, അപ്രകാരം ചെയ്യുന്നതിന് ജനാധിപത്യ ഭരണം കേവലം ഭൂരിപക്ഷഭരണത്തെക്കാൾ കൂടുതലായ ഒന്നായിരിക്കണം. എല്ലാവർക്കുമുള്ള ദൈവദത്തമായ അവകാശങ്ങൾ അംഗീകരിക്കുന്ന നിയമത്താൽ ഭരിക്കപ്പെടുന്നതും അത്യാവശ്യം വരുമ്പോൾ ഭൂരിപക്ഷത്തിൻ്റെ ഇഷ്ടത്തിന് എതിരായിപ്പോലും ആ അവകാശങ്ങൾ സംരക്ഷിക്കുകയും ചെയ്യുന്ന ഒരു രാഷ്ട്രത്തിൽ മാത്രമേ ജനാധിപത്യം സാധ്യമാകുകയുള്ളു.

ജനാധിപത്യം പോലും മനുഷ്യമഹത്ത്വത്തിൻ്റെയും മാനുഷികാവകാശങ്ങളുടെയും ലംഘനത്തിൽ നിന്ന് തികഞ്ഞ സംരക്ഷണം നല്കുന്നില്ലെന്നു ചരിത്രം നമ്മെ പഠിപ്പിക്കുന്നു. ന്യൂനപക്ഷത്തിൽ മേൽ ഭൂരിപക്ഷത്തിനുള്ള ഏകാധിപത്യമായിത്തീരുകയെന്ന അപകടം അതിന് എപ്പോഴുമുണ്ട്. ജനാധിപത്യം അതിൽത്തന്നെയോ അതുമൂലമോ, ഗ്യാരന്റി നല്കാൻ കഴിയാത്ത മുൻ വ്യവസ്ഥകളെ ആശ്രയിച്ചിരിക്കുന്നു. അതുകൊണ്ടാണ്, ജനാധിപത്യത്തിന് അനുപേക്ഷണിയമായ മൂല്യങ്ങൾ നശിപ്പിക്കുന്നില്ലെന്ന് ക്രൈസ്തവർ പ്രത്യേകമായി ഉറപ്പുവരുത്തേണ്ടിയിരിക്കുന്നത്.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം:441)

democracy ജനാധിപത്യം സഭയും ജനാധിപത്യവും church and democracy കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 441 Bible Theology Church Teachings