സ്ഥൈര്യലേപനകൂദാശയെക്കുറിച്ച് വിശുദ്ധ ലിഖിതം എന്തു പറയുന്നു?

Authored by : Congregation for Doctrine of Faith On 02-Jul-2022

മിശിഹായുടെമേൽ പരിശുദ്ധാത്മാവിൻ്റെ പ്രവഹിക്കലുണ്ടാകുമെന്ന് പഴയനിയമത്തിൽ ദൈവജനം പ്രതീക്ഷിച്ചിരുന്നു. യേശു സ്നേഹത്തിൻ്റെ സവിശേഷാത്മാവിലും തൻ്റെ സ്വർഗീയ പിതാവുമായുള്ള പൂർണ ഐക്യത്തിലും ജീവിച്ചു. യേശുവിൻ്റെ ആത്മാവ് “പരിശുദ്ധാത്മാവ്" ആണ്. ആ ആത്മാവിനെയാണ് ഇസ്രായേൽ ജനം ആഗ്രഹിച്ചിരുന്നത്. യേശു ശിഷ്യന്മാർക്ക് വാഗ്ദാനം ചെയ്തത് ഇതേ ആത്മാവിനെയാണ്. ഈസ്റ്റർ കഴിഞ്ഞ് അമ്പതു ദിവസങ്ങൾക്കു ശേഷം പെന്തക്കുസ്താത്തിരുനാളിൽ ശിഷ്യന്മാരുടെ മേൽ അവരോഹണം ചെയ്തതും ഇതേ ആത്മാവാണ്. സ്ഥൈര്യലേപനം എന്ന കൂദാശ സ്വീകരിക്കുന്ന ഏതു വ്യക്തിയുടെ മേലും ഇറങ്ങി വരുന്നതും ഇതേ ആത്മാവാണ്. [1285-1288, 1315]

കർത്താവായ യേശുവിൻ്റെ നാമത്തിൽ മാമ്മോദീസ മുങ്ങുക മാത്രം ചെയ്തിട്ടുള്ള പുതിയ ക്രൈസ്തവരുടെ ഹൃദയങ്ങൾ പരിശുദ്ധാത്മാവാൽ നിറയുന്നതിനുവേണ്ടി, അവരുടെ മേൽ കൈകൾ വച്ച് സ്ഥിരീകരിക്കാൻ പത്രോസും യോഹന്നാനും സഞ്ചരിക്കുന്നതായി അപ്പസ്തോലന്മാരുടെ നടപടിപ്പുസ്തകത്തിൽ നാം കാണുന്നു. ആ ഗ്രന്ഥം യേശുവിൻ്റെ മരണശേഷം കുറച്ചു ദശകങ്ങൾ മാത്രം കഴിഞ്ഞപ്പോൾ എഴുതപ്പെട്ടതാണല്ലോ.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:204)

confirmation sacred scripture sacraments കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം youcat 204 സ്ഥൈര്യലേപനകൂദാശയെക്കുറിച്ച് വിശുദ്ധ ലിഖിതം എന്തു പറയുന്നു? Bible Theology Church Teachings