സഭ ക്രിസ്തുവിൻ്റെ മണവാട്ടി ആണെന്നു പറയുന്നതിൻ്റെ അർത്ഥമെന്താണ്?

Authored by : Congregation for Doctrine of Faith On 16-Sep-2022

മണവാളൻ മണവാട്ടിയെ സ്നേഹിക്കുന്നതുപോലെ യേശു ക്രിസ്തു സഭയെ സ്നേഹിക്കുന്നു. അവിടന്ന് തന്നെത്തന്നെ എന്നേക്കുമായി അവളോടു ബന്ധിപ്പിക്കുകയും തൻ്റെ ജീവൻ അവൾക്കു നല്കുകയും ചെയ്യുന്നു.

എന്നെങ്കിലും സ്നേഹിച്ചിട്ടുള്ള ഒരാൾക്ക് സ്നേഹമെന്താണെന്ന് അറിയാം. യേശുവിന് അത് അറിയാം. സ്നേഹത്തോടും ആഗ്രഹത്തോടും കൂടെ തൻ്റെ മണവാട്ടിയെ അനുനയിക്കുകയും അവളോടുള്ള സ്നേഹം ആഘോഷിക്കാൻ ആഗ്രഹിക്കുകയും ചെയ്യുന്ന മണവാളനെന്ന് തന്നെത്തന്നെ വിളിക്കുകയും ചെയ്യുന്നു. നാം അവിടത്തെ മണവാട്ടിയാണ് സഭയാണ്. പഴയനിയമത്തിൽ ദൈവത്തിന് തൻ്റെ ജനത്തോടുള്ള സ്നേഹത്തെ ഭാര്യയും ഭർത്താവും തമ്മിലുള്ള സ്നേഹത്തോടു താരതമ്യം ചെയ്തിട്ടുണ്ട്. യേശു നാമോരോരുത്തരുടെയും സ്നേഹം ആവശ്യപ്പെടുന്നു. അപ്പോൾ അവിടത്തെ സ്നേഹത്തെ അവഗണിക്കുകയും അതിനോടു തുറവു കാണിക്കാതിരിക്കുകയും ചെയ്യുമ്പോൾ അവിടന്ന് എത്ര അസന്തുഷ്ടമായ സ്നേഹബന്ധത്തിലായിരിക്കും!

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:127)

സഭ സഭ ക്രിസ്തുവിൻ്റെ മണവാട്ടി church സഭ ക്രിസ്തുവിൻ്റെ മണവാട്ടി ആണെന്നു പറയുന്നതിൻ്റെ അർത്ഥമെന്താണ്? youcat 127 Bible Theology Church Teachings