സൂക്ഷ്മരൂപത്തിലുള്ള സഭയാണ് കുടുംബമെന്നു പറയുന്നതിൻ്റെ അർത്ഥമെന്താണ്?

Authored by : Congregation for Doctrine of Faith On 02-Aug-2022

സഭ വിപുലമായ തോതിൽ എന്തായിരിക്കുന്നുവോ കുടുംബം ചെറിയതോതിൽ അതായിരിക്കുന്നു. മാനുഷിക കൂട്ടായ്മയിൽ ദൈവസ്നേഹത്തിൻ്റെ ഒരു പ്രതിച്ഛായ. യഥാർത്ഥത്തിൽ മറ്റുള്ളവരോടുള്ള, ദൈവം അയയ്ക്കുന്ന കുട്ടികളോടുള്ള, തുറന്ന മനഃസ്ഥിതിയിലും പരസ്പര സ്വീകരണത്തിലും ആതിഥ്യപരമായ ഔദാര്യത്തിലും മറ്റുള്ളവർക്കായി നിലകൊള്ളാനുള്ള മനഃസ്ഥിതിയിലുമാണ് ഓരോ വിവാഹജീവിതവും പൂർണതയിലെത്തുന്നത്.

ആദിമ സഭയുടെ കാലത്ത്, ക്രിസ്ത്യാനികളുടെ “പുതിയ മാർഗത്തെ സംബന്ധിച്ചിടത്തോളം അവരുടെ “ഗൃഹസഭകളി"ല്ലാതെ മറ്റൊന്നല്ല ആളുകളെ കൂടുതൽ ആകർഷിച്ചത്. മിക്കപ്പോഴും ഒരുവൻ “വിശ്വസിക്കുമ്പോൾ അവൻ്റെ മുഴുവൻ കുടുംബവും വിശ്വസിക്കുന്നു... അനേകർ വിശ്വസിക്കുകയും മാമ്മോദീസ സ്വീകരിക്കുകയും ചെയ്തു” (അപ്പ 18:8). വിശ്വാസമില്ലാത്ത ഒരു ലോകത്തിൽ സജീവ വിശ്വാസത്തിൻ്റെ ദ്വീപുകൾ രൂപപ്പെട്ടു, പ്രാർത്ഥനയുടെ സ്ഥലങ്ങൾ, പരസ്പരം പങ്കുവയ്ക്കലിൻ്റെയും ഹൃദയപൂർവകമായ ആതിഥ്യത്തിൻ്റെയും സ്ഥാനങ്ങൾ. പൗരാണികകാലത്തെ മഹാനഗരങ്ങളായ റോമ, കോറിന്ത്, അന്ത്യോക്യ എന്നിവിടങ്ങൾ വേഗത്തിൽ ഗൃഹസഭകൾ കൊണ്ടു നിറഞ്ഞു. അവ പ്രകാശത്തിൻ്റെ കേന്ദ്രങ്ങൾ പോലെയായിരുന്നു. ഇന്നും ക്രിസ്തു നിവസിക്കുന്ന കുടുംബങ്ങൾ നമ്മുടെ സമൂഹത്തെ നവീകരിക്കുന്ന പുളിമാവാണ്.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:271)

sacrament marriage family family and church കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം സൂക്ഷ്മരൂപത്തിലുള്ള സഭ youcat 271 സൂക്ഷ്മരൂപത്തിലുള്ള സഭയാണ് കുടുംബമെന്നു പറയുന്നതിൻ്റെ അർത്ഥമെന്താണ്? Bible Theology Church Teachings