യേശുക്രിസ്തു “ദൈവത്തിൻ്റെ ഏകജാതനായ പുത്രൻ

Authored by : Congregation for Doctrine of Faith On 25-Aug-2022

യേശുതന്നത്തന്നെ “ദൈവത്തിൻ്റെ ഏകജാതനായ പുത്രൻ” (അല്ലെങ്കിൽ ഏകപുത്രൻ, യോഹ 3:16) എന്നു വിളിക്കുകയും പത്രോസും മറ്റുള്ളവരും അതിനു സാക്ഷ്യം വഹിക്കുകയും ചെയ്യുമ്പോൾ, യേശു മാത്രമാണ് എല്ലാമനുഷ്യരെയുംകാൾ കൂടുതലായ മനുഷ്യൻ എന്നാണ് ആ പ്രയോഗത്തിൻ്റെ അർത്ഥം.

പുതിയ നിയമത്തിലെ പല വാക്യങ്ങളിലും (യോഹ 1:14, 18; 1 യോഹ 4:9; ഹെബ്രാ 1:2 മുതലായവ) യേശു “പുത്രൻ" എന്നു വിളിക്കപ്പെടുന്നു. അവിടത്തെ മാമ്മോദീസയുടെ സമയത്തും രൂപാന്തരീകരണത്തിൻ്റെ സമയത്തും സ്വർഗത്തിൽ നിന്നുള്ള സ്വരം യേശുവിനെ “എൻ്റെ പ്രിയപുത്രൻ" എന്നു വിളിക്കുന്നു. യേശു തൻ്റെ സ്വർഗീയ പിതാവിനോടു തനിക്കുള്ള അനന്യമായ ബന്ധം തൻ്റെ ശിഷ്യന്മാർക്കു വെളിപ്പെടുത്തുന്നു. “സർവവും എൻ്റെ പിതാവ് എന്നെ ഏല്പിച്ചിരിക്കുന്നു. പിതാവല്ലാതെ മറ്റാരും പുത്രനെ അറിയുന്നില്ല. പുത്രനും പുത്രൻ ആർക്കു വെളിപ്പെടുത്തിക്കൊടുക്കാൻ മനസ്സാകുന്നുവോ അവനുമല്ലാതെ മറ്റാരും പിതാവിനെയും അറിയുന്നില്ല" (മത്താ 11:27). യേശുക്രിസ്തു യഥാർത്ഥത്തിൽ ദൈവപുത്രനാണെന്ന യാഥാർത്ഥ്യം അവിടത്തെ ഉത്ഥാനത്തിൽ വെളിച്ചത്തു വരുന്നു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:74)

ദൈവത്തിൻ്റെ ഏകജാതനായ പുത്രൻ begotten son of god യേശുക്രിസ്തു jesus കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 74 Bible Theology Church Teachings