ക്രിസ്തു സ്വർഗത്തിലേക്ക് ആരോഹണം ചെയ്തെന്നു പറയുന്നതിൻ്റെ അർത്ഥമെന്താണ്?

Authored by : Congregation for Doctrine of Faith On 06-Sep-2022

യേശു സ്വർഗാരോഹണം ചെയ്തതോടെ നമ്മിൽ ഒരാൾ ദൈവഭവനത്തിലെത്തുകയും എന്നേക്കും അവിടെ വസിക്കുകയും ചെയ്യുന്നു. ദൈവം തൻ്റെ പുത്രനിൽ മനുഷ്യരായ നമ്മോട് മാനുഷിക രീതിയിൽ അടുത്തു നിലകൊള്ളുന്നു. കൂടാതെ യേശു വിശുദ്ധ യോഹന്നാൻ്റെ സുവിശേഷത്തിൽ പറയുന്നു: “ഞാൻ ഭൂമിയിൽ നിന്ന് ഉയർത്തപ്പെടുമ്പോൾ എല്ലാ മനുഷ്യരെയും എന്നിലേക്ക് ആകർഷിക്കും” (യോഹ 12:32). [659 - 667]

ഉത്ഥിതനായ കർത്താവ് നാല്പതു ദിവസം തൻ്റെ ശിഷ്യന്മാരുമായി സവിശേഷമായ അടുപ്പം പുലർത്തി. പുതിയ നിയമപ്രകാരം ക്രിസ്തുവിൻ്റെ സ്വർഗാരോഹണം ആ കാലയളവ് അവസാനിപ്പിച്ചു. ആ സമയത്തിൻ്റെ അവസാനം ക്രിസ്തു മുഴുവൻ മനുഷ്യവംശത്തോടും കൂടെ ദൈവത്തിൻ്റെ മഹത്ത്വത്തിലേക്കു പ്രവേശിക്കുന്നു. “മേഘം”, “വാനിടം" അഥവാ ആകാശം എന്നീ പ്രതീകങ്ങൾ ഉപയോഗിച്ച് വിശുദ്ധ ലിഖിതം ഇതു വെളിവാക്കുന്നു. “മനുഷ്യൻ ദൈവത്തിൽ വാസസ്ഥലം കണ്ടെത്തുന്നു" എന്ന് ബെനഡിക്ട് 16-ാമൻ മാർപാപ്പാ പറയുന്നു. യേശുക്രിസ്തു ഇപ്പോൾ പിതാവിനോടു കൂടെയാണ്. “ജീവിക്കുന്നവരെയും മരിച്ചവരെയും വിധിക്കാൻ” അവിടന്ന് ഒരിക്കൽ വരും. യേശുക്രിസ്തു ഇനി ഭൂമിയിൽ ദൃശ്യനല്ലെന്നും എന്നാൽ സന്നിഹിതനാണെന്നുമാണ് ക്രിസ്തുവിൻ്റെ സ്വർഗാരോഹണം അർത്ഥമാക്കുന്നത്.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:109)

ക്രിസ്തുവിൻ്റെ സ്വർഗാരോഹണം സ്വർഗാരോഹണം Ascension of Jesus Ascension കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 109 Bible Theology Church Teachings