പരിശുദ്ധാത്മാവ് പ്രവാചകരിലൂടെ സംസാരിച്ചു എന്നു പറയുന്നതിൻ്റെ അർത്ഥമെന്താണ്?

Authored by : Congregation for Doctrine of Faith On 15-Sep-2022

പഴയനിയമകാലത്തു തന്നെ ദൈവം സ്ത്രീപുരുഷന്മാരെ പരിശുദ്ധാത്മാവിനെക്കൊണ്ടു നിറച്ചു. അങ്ങനെ അവർ ദൈവത്തിനുവേണ്ടി ശബ്ദമുയർത്തി. അവിടത്തെ നാമത്തിൽ സംസാരിച്ചു. മിശിഹായുടെ ആഗമനത്തിനായി ജനങ്ങളെ ഒരുക്കുകയും ചെയ്‌തു.[683-688, 702-720]

തൻ്റെ ജനങ്ങളെ ആശ്വസിപ്പിക്കാനും നയിക്കാനും അവർക്കു മുന്നറിയിപ്പു നല്കാനും വേണ്ടി ഉപയോഗിക്കാൻ സ്വയം സമ്മതിക്കുന്ന സ്ത്രീപുരുഷന്മാരെ ദൈവം പഴയ ഉടമ്പടിയിൽ അന്വേഷിച്ചു. ഏശയ്യ, ജറെമിയ, എസെക്കിയേൽ മുതലായ പ്രവാചകരിലൂടെ ദൈവത്തിൻ്റെ ആത്മാവാണു സംസാരിച്ചത്. ആ പ്രവാചകരിൽ അവസാനത്തെയാളായ യോഹന്നാൻ മാംദാന മിശിഹായുടെ ആഗമനം മുൻകൂട്ടി കാണുക മാത്രമല്ല ചെയ്തത്. അദ്ദേഹം അവിടത്തെ കാണുകയും പാപത്തിൻ്റെ ശക്തിയിൽ നിന്നു വിമോചിപ്പിക്കുന്നവനായി അവിടത്തെ പ്രഘോഷിക്കുകയും ചെയ്‌തു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:116)

പരിശുദ്ധാത്മാവ് പ്രവാചകർ holy spirit prophets കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 116 പരിശുദ്ധാത്മാവ് പ്രവാചകരിലൂടെ സംസാരിച്ചു എന്നു പറയുന്നതിൻ്റെ അർത്ഥമെന്താണ്? Bible Theology Church Teachings