“ഞാനാണ് നിൻ്റെ ദൈവമായ കർത്താവ്

Authored by : Congregation for Doctrine of Faith On 02-Aug-2022

നമ്മുടെ ദൈവവും കർത്താവുമായി സർവശക്തൻ നമുക്ക് സ്വയം വെളിപ്പെടുത്തി. അതുകൊണ്ട് അവിടത്തേക്ക് ഉപരിയായി ഒന്നും പ്രതിഷ്ഠിക്കരുത്, മറ്റൊന്നും കൂടുതൽ പ്രാധാന്യമർഹിക്കുന്നതായി കരുതരുത്. ഏതെങ്കിലും ഒരു വസ്തുവിനോ വ്യക്തിക്കോ അവിടത്തെക്കാൾ മുൻഗണന നല്കുകയുമരുത്. ദൈവത്തെ അറിയുകയും അവിടത്തെ സേവിക്കുകയും ആരാധിക്കുകയും ചെയ്യുകയെന്നതിന് നമ്മുടെ ജീവിതത്തിൽ കേവലമായ മുൻഗണനയുമുണ്ട്. 

നമ്മൾ പൂർണമായി വിശ്വസിക്കുമെന്ന് ദൈവം പ്രതീക്ഷിക്കുന്നു. നമ്മുടെ സർവപ്രത്യാശയും ദൈവത്തിൽ സമർപ്പിക്കണം. നമ്മുടെ സ്നേഹത്തിൻ്റെ ശക്തിയെല്ലാം ദൈവത്തിലേക്കു തിരിക്കണം. എല്ലാ കല്പനകളിലും വച്ച് ഏറ്റവും പ്രധാനപ്പെട്ടത് ദൈവത്തെ സ്നേഹിക്കണമെന്ന കല്പനയാണ്. മറ്റുള്ളവയിലേക്കുള്ള താക്കോലുമാണത്. അതുകൊണ്ടാണ് അത് പത്തുകല്പനകളുടെ ആദ്യം നിലകൊള്ളുന്നത്.

കത്തോലിക്കാ സഭയുടെ യുവജന മതബോധനഗ്രന്ഥം(ചോദ്യം: 352)

ഞാനാണ് നിൻ്റെ ദൈവമായ കർത്താവ് i am the lord your god കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം “ഞാനാണ് നിൻ്റെ ദൈവമായ കർത്താവ് Bible Theology Church Teachings