എന്താണ് മാലാഖമാർ?

Authored by : Congregation for Doctrine of Faith On 24-Aug-2022

മാലാഖമാർ ദൈവത്തിൻ്റെ സൃഷ്ടികളാണ്. അവർ തികച്ചും അതിഭൗതികസൃഷ്ടികളാണ്. അവർക്കു ധാരണാശക്തിയും ഇച്ഛാശക്തിയുമുണ്ട്. അവർക്കു ശരീരമില്ല. മരിക്കാനാവുകയില്ല. സാധാരണഗതിയിൽ ദൃശ്യരുമല്ല. അവർ സ്ഥിരം ദൈവ സാന്നിധ്യത്തിൽ ജീവിക്കുന്നു. ദൈവത്തിൻ്റെ ഇഷ്ടം മനുഷ്യരെ അറിയിക്കുന്നു. ദൈവത്തിൽനിന്നുള്ള സംരക്ഷണം മനുഷ്യർക്കു നല്കുകയും ചെയ്യുന്നു.[328-333, 350-351]

കാർഡിനൽ ജോസഫ് റാറ്റ്സിങർ മാലാഖയെക്കുറിച്ച് ഇപ്രകാരം എഴുതി: "ദൈവം എന്നിലേക്കു തിരിയുന്ന വ്യക്തിപരമായ ചിന്തയാണ് മാലാഖയെന്നു പറയാം". അതേസമയം, മാലാഖമാർ തങ്ങളുടെ സ്രഷ്ടാവിലേക്കു പൂർണമായി തിരിഞ്ഞിരിക്കുന്നു. സ്രഷ്ടാവിനോടുള്ള സ്നേഹത്താൽ അവർ ജ്വലിക്കുന്നു. രാപകൽ അവിടത്തെ സേവിക്കുകയും ചെയ്യുന്നു. അവരുടെ സ്തുതിഗാനം ഒരിക്കലും അവസാനിക്കുന്നതല്ല. ദൈവത്തിൽ നിന്നു വേർപെട്ട് നിപതിച്ച മാലാഖമാരെ വിശുദ്ധലിഖിതത്തിൽ, പിശാചുക്കൾ അല്ലെങ്കിൽ സാത്താന്മാർ എന്നു വിളിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:54)

മാലാഖമാർ angels എന്താണ് മാലാഖമാർ? What are angels? കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 54 Bible Theology Church Teachings