തങ്ങൾ സ്വവർഗഭോഗവാസനയുള്ളവരാണെന്നു തോന്നുന്ന ആളുകളെപ്പറ്റി എന്തു പറയുന്നു?

Authored by : Congregation for Doctrine of Faith On 24-Aug-2022

സഭയുടെ വിശ്വാസം ഇതാണ്: സൃഷ്ടിയുടെ ക്രമത്തിൽ സ്ത്രീയും പുരുഷനും ഒരാൾക്ക് മറ്റേയാളുടെ പരസ്പരപൂരക ഗുണങ്ങൾ ആവശ്യമായിരിക്കുകയും കുട്ടികൾക്കു ജീവൻ നല്കാൻ വേണ്ടി അവർ പരസ്പരബന്ധത്തിൽ ഏർപ്പെടുകയും വേണം. അതുകൊണ്ടാണ് സ്വവർഗരതിപരമായ പ്രവൃത്തികൾ സഭയ്ക്ക് അംഗീകരിക്കാനാവാത്തത്. ക്രിസ്ത്യാനികൾ, അവരുടെ ലൈംഗികാഭിമുഖ്യം പരിഗണിക്കപ്പെടാതെ തന്നെ എല്ലാവരുടെയും സ്നേഹവും ആദരവും അർഹിക്കുന്നുണ്ട്. എന്തെന്നാൽ എല്ലാ മനുഷ്യരും ദൈവത്താൽ ആദരിക്കപ്പെടുകയും സ്നേഹിക്കപ്പെടുകയും ചെയ്യുന്നു. [2358-2359]

ഒരമ്മയും അപ്പനും തമ്മിലുള്ള ഐക്യത്തിൽ നിന്ന് ഉദ്ഭവിക്കാത്തവനായി ഒരു മനുഷ്യനും ഈ ഭൂമിയിലില്ല. എതിർലംഗത്തിൽപ്പെട്ടവരോട് ലൈംഗികാകർഷണമില്ലാതിരിക്കുകയും മനുഷ്യപ്രകൃതിയും സൃഷ്ടിയുടെ ദൈവികക്രമവുമനുസരിച്ചുള്ള സ്ത്രീപുരുഷ ഐക്യത്തിൻ്റെ ശാരീരികഫലപൂർണത നിർബന്ധപൂർവം നഷ്ടപ്പെടുകയും ചെയ്യുകയെന്നത് സ്വവർഗരതിഭാവമുള്ള അനേകരുടെ വേദനാജനകമായ അനുഭവമാണ്. എന്നാലും ദൈവം മിക്കപ്പോഴും ആത്മാക്കളെ അസാധാരണ മാർഗത്തിലൂടെ തന്നിലേക്കു നയിക്കുന്നു. ഒരു അഭാവം, ഒരു നഷ്ടം, ഒരു മുറിവ്, അതു സ്വീകരിക്കുകയും സ്ഥിരീകരിക്കുകയും ചെയ്താൽ ദൈവകരങ്ങളിലേക്കു തന്നെത്തന്നെ എറിയാനുള്ള ശക്തികേന്ദ്രമായിത്തീരാൻ അതിനു കഴിയും. എല്ലാറ്റിൽനിന്നും നന്മകൊണ്ടുവരുന്നവനാണല്ലോ ദൈവം, അവിടത്തെ മഹത്ത്വം സൃഷ്ടികർമ്മത്തിലെന്നതിനെക്കാൾ കൂടുതൽ വീണ്ടെടുപ്പിൽ കണ്ടെത്താൻ കഴിയുകയും ചെയ്യും.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:65)

സ്വവർഗഭോഗം homosexual കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 65 Bible Theology Church Teachings