ഏതു പേരുകളിലും അടയാളങ്ങളിലുമാണ് പരിശുദ്ധാത്മാവു പ്രത്യക്ഷപ്പെടുന്നത്?

Authored by : Congregation for Doctrine of Faith On 06-Sep-2022

പരിശുദ്ധാത്മാവ് പ്രാവിൻ്റെ രൂപത്തിൽ യേശുവിൻ്റെ മേൽ ഇറങ്ങിവന്നു. ആദിമക്രൈസ്തവർ പരിശുദ്ധാത്മാവിനെ സൗഖ്യദായകമായ തൈലം, സജീവജലം, ശക്തമായ കൊടുംകാറ്റ്, ജ്വലിക്കുന്ന അഗ്നി എന്നിങ്ങനെ വിവിധ രൂപങ്ങളിൽ അനുഭവിച്ചു. യേശുതന്നെ, ആലോചനക്കാരൻ, ആശ്വാസദായകൻ, അധ്യാപകൻ, സത്യത്തിൻ്റെ ആത്മാവ് എന്നൊക്കെ പറയുന്നു. സഭയുടെ കൂദാശകളിൽ കൈവയ്പുവഴിയും തൈലം പൂശൽ വഴിയും പരിശുദ്ധാത്മാവിനെ നല്കുന്നു. [691-693]

ജലപ്രളയത്തിനുശേഷം ദൈവം മനുഷ്യവംശവുമായുള്ള തൻ്റെ ഉടമ്പടിയിൽ സ്ഥാപിച്ച സമാധാനത്തിൻ്റെ സൂചന നോഹയ്ക്കു നല്കിയത്. ഒരു പ്രാവിൻ്റെ പ്രത്യക്ഷപ്പെടൽ വഴിയാണ്. പൗരാണികകാലത്തെ അക്രൈസ്തവരും പ്രാവിനെ സ്നേഹത്തിൻ്റെ അടയാളമായി കരുതിയിരുന്നു. അതുകൊണ്ട് യേശു ജോർദാനിൽ മാമ്മോദീസയ്ക്കു സ്വയം വിധേയനായപ്പോൾ വ്യക്തിത്വം പൂണ്ട ദൈവസ്നേഹമായ പരിശുദ്ധാത്മാവ് എന്തുകൊണ്ടാണ് പ്രാവിൻ്റെ രൂപത്തിൽ വന്നതെന്ന് ആദിമ ക്രിസ്ത്യാനികൾ പെട്ടെന്നു മനസ്സിലാക്കി. ഇന്ന് ലോകവ്യാപകമായി പ്രാവിനെ സമാധാനത്തിൻ്റെ അടയാളമായും ദൈവവും മനുഷ്യനും തമ്മിലുള്ള അനുരഞ്ജനത്തിൻ്റെ പ്രതീകമായും അംഗീകരിച്ചിരിക്കുന്നു (ഉത്പ 8:10-11).

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:115)

പരിശുദ്ധാത്മാവു പ്രത്യക്ഷപ്പെടുന്നത് പരിശുദ്ധാത്മാവു പ്രത്യക്ഷപ്പെടുന്ന പേരുകളും അടയാളങ്ങളും Under what names and signs does the Holy Spirit appear? appearance of holy spirit കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 115 Bible Theology Church Teachings