ലോകം ആകസ്മികതയുടെ ഉത്പന്നമാണോ?

Authored by : Congregation for Doctrine of Faith On 19-Aug-2022

അല്ല. ആകസ്മികമല്ല, ദൈവമാണ് ലോകത്തിൻ്റെ കാരണം. അതിൻ്റെ ഉത്പത്തിയെയോ അതിൻ്റെ ആന്തരിക ക്രമത്തെയോ ലക്ഷ്യപൂർണതയെയോ സംബന്ധിച്ചോ അത് "ലക്ഷ്യമില്ലാതെ" പ്രവർത്തിക്കുന്ന ഘടകങ്ങളുടെ ഉത്പന്നമല്ല.

ദൈവത്തിൻ്റെ കൈപ്പട അവിടത്തെ സൃഷ്ടിയിൽ വായിക്കാമെന്നു ക്രൈസ്തവർ വിശ്വസിക്കുന്നു. ലോകത്തെ മുഴുവനെയും കുറിച്ച് യാദൃച്ഛികവും അർത്ഥശൂന്യവും ലക്ഷ്യരഹിതവുമായ പ്രക്രിയയെന്നു പറയുന്ന ശാസ്ത്രജ്ഞൻമാരോടുള്ള മറുപടിയായി ജോൺപോൾ രണ്ടാമൻ മാർപാപ്പാ 1985-ൽ ഇങ്ങനെ ചൂണ്ടിക്കാണിച്ചു.“ഘടകങ്ങളുടെ അതീവ സങ്കീർണമായ ഘടനയുള്ള ഒരു പ്രപഞ്ചമാണിത്. അതിൻ്റെ ജീവിതത്തിൽ ഏറെ വിസ്മയനീയമായ ലക്ഷ്യപൂർണതയുണ്ട്. അത്തരമൊരു പ്രപഞ്ചത്തെപ്പറ്റി ആകസ്മികമെന്നു പറയുന്നത്. നമുക്കു കാണപ്പെടുന്നതുപോലുള്ള ലോകത്തിൻ്റെ വിശദീകരണത്തിനുള്ള അന്വേഷണം ഉപേക്ഷിക്കുന്നതിനു തുല്യമായിരിക്കും. യഥാർത്ഥത്തിൽ കാരണം കൂടാതെ കാര്യങ്ങളെ അംഗീകരിക്കുന്നതിനു തുല്യമായിരിക്കും. അത് മാനുഷികയുക്തി തള്ളിക്കളയലാവും. പ്രശ്നങ്ങൾക്കുള്ള പരിഹാരത്തെപ്പറ്റി ചിന്തിക്കാനും അന്വേഷിക്കാനും ഈ വിധത്തിൽ യുക്തി വിസമ്മതിക്കുകയായിരിക്കും"

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:43)

ലോകം ആകസ്മികത chance ലോകം ആകസ്മികതയുടെ ഉത്പന്നമാണോ? is the world a product of chance? കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 43 Bible Theology Church Teachings