എല്ലാ വിശ്വാസികൾക്കുമുള്ള സാർവ്വത്രിക പൗരോഹിത്യം പട്ടാഭിഷിക്തരുടെ പൗരോഹിത്യത്തിൽനിന്ന് എങ്ങനെ വ്യത്യാസപ്പെട്ടിരിക്കുന്നു?

Authored by : Congregation for Doctrine of Faith On 30-Jul-2022

മാമ്മോദീസയിലൂടെ ക്രിസ്തു നമ്മെ “തൻ്റെ ദൈവത്തിൻ്റെയും പിതാവിൻ്റെയും" (വെളി 1:6) ഒരു രാജ്യത്തിലേക്ക് പ്രവേശിപ്പിച്ചിരിക്കുന്നു. സാർവത്രിക പൗരോഹിത്യത്തിലൂടെ ഓരോ ക്രൈസ്തവനും ലോകത്തിൽ ദൈവനാമത്തിൽ ജോലി ചെയ്യാനും അതിന് അനുഗ്രഹങ്ങളും കൃപാവരവും കൊണ്ടുവന്നു കൊടുക്കാനും വിളിക്കപ്പെട്ടിരിക്കുന്നു. എന്നാലും സെഹിയോൻ ഊട്ടുശാലയിൽ വച്ച് അന്തിമാത്താഴം കഴിച്ചപ്പോഴും ശ്ലീഹന്മാരെ നിയോഗിച്ചപ്പോഴും ക്രിസ്തു ചിലർക്ക് വിശ്വാസികളെ സേവിക്കാനുള്ള വിശുദ്ധമായ അധികാരം നല്കി സജ്ജീകൃതരാക്കി. പട്ടാഭിഷിക്തരായ ഈ വൈദികർ ക്രിസ്തുവിൻ്റെ ജനതയുടെ അജപാലകരും (ആട്ടിടയരും) അവിടത്തെ ശരീരമാകുന്ന സഭയുടെ ശിരസ്സുമായി ക്രിസ്തുവിൻ്റെ പ്രതിനിധികളായിരിക്കുന്നു.

പുരോഹിതൻ എന്ന ഒരേ പദം പരസ്പര ബന്ധിതങ്ങളും എന്നാൽ അളവിൽ മാത്രമല്ലാതെ സാരാംശത്തിലും വ്യത്യസ്ത ങ്ങളുമായിരിക്കുന്ന രണ്ടാം വത്തിക്കാൻ കൗൺസിൽ, ലൂമെൻ ജെൻസിയും LG 10,2 രണ്ടുകാര്യങ്ങളിൽ പ്രയോഗിക്കുന്നത് മിക്കപ്പോഴും തെറ്റിധാരണകളിലേക്കു നയിക്കുന്നുണ്ട്. ഒരു വശത്ത് മാമ്മോദീസ സ്വീകരിച്ച സകലരും “പുരോഹിതരാ"ണെന്ന് നാം സന്തോഷപൂർവം നിരീക്ഷിക്കുന്നു. കാരണം, നാം ക്രിസ്തുവിൽ ജീവിക്കുകയും അവിടന്ന് ആയിരിക്കുകയും പ്രവർത്തിക്കുകയും ചെയ്യുന്ന സകലതിലും പങ്കു പേരുകയും ചെയ്യുന്നു. അപ്പോൾ, ഈ ലോകത്തിൻമേൽ ശാശ്വതമായ അനുഗ്രഹമുണ്ടാകാൻ നാം എന്തിനു പ്രാർത്ഥിക്കാതിരിക്കണം? മറുവശത്ത് ദൈവം തൻ്റെ സഭയ്ക്ക് നല്കുന്ന ദാനം നാം വീണ്ടും കണ്ടെത്തണം. പട്ടാഭിഷിക്തരായ വൈദികരാണ് ആ ദാനം. അവർ നമ്മുടെയിടയിൽ കർത്താവിൻ്റെ പ്രതിനിധികളായിരിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:259)

sacrament holy orders universal priesthood കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം സാർവ്വത്രിക പൗരോഹിത്യം youcat 259 എല്ലാ വിശ്വാസികൾക്കുമുള്ള സാർവ്വത്രിക പൗരോഹിത്യം പട്ടാഭിഷിക്തരുടെ പൗരോഹിത്യത്തിൽനിന്ന് എങ്ങനെ വ്യത്യാസപ്പെട്ടിരിക്കുന്നു? Bible Theology Church Teachings