സഭാപരമായ വിവാഹം എങ്ങനെയാണ് ആഘോഷിക്കുന്നത്?

Authored by : Congregation for Doctrine of Faith On 01-Aug-2022

വിവാഹം പരസ്യമായി നടത്തണമെന്നാണ് പൊതുനിയമം. വിവാഹം ചെയ്യാൻ സമ്മതമാണോയെന്നു വരനോടും വധുവിനോടും ചോദിക്കും. - വൈദികനോ - ഡീക്കനോ വിവാഹ മോതിരം ആശീർവദിക്കും. വധൂവരന്മാർ മോതിരം പരസ്പരം കൈമാറും. “സന്തോഷത്തിലും സന്താപത്തിലും ആരോഗ്യത്തിലും അനാരോഗ്യത്തിലും വിശ്വസ്തയോടെ കഴിയു"മെന്ന് പരസ്പരം വാഗ്ദാനം ചെയ്യുന്നു. “ജീവിതത്തിൻ്റെ എല്ലാ ദിവസവും സ്നേഹിച്ചും ആദരിച്ചും ജീവിച്ചുകൊള്ളാം എന്ന് പരസ്പരം പ്രതിജ്ഞ ചെയ്യുന്നു. പുരോഹിതൻ വിവാഹം സ്ഥിരീകരിക്കുകയും ആ ആശീർവാദം നല്കുകയും ചെയ്യുന്നു. 

വിവാഹാശീർവാദകർമ്മത്തിൽ നിന്ന് ചില ഭാഗങ്ങൾ താഴെ കൊടുക്കുന്നു. പേര് പേര്... “നിങ്ങൾ വിവാഹിതരാകാൻ വന്നിരിക്കുന്നത് ആരുടെയും സമ്മർദ്ദം കൂടാതെയും പൂർണമായ അറിവോടും സ്വാതന്ത്ര്യത്തോടും കൂടെയാണോ?" വധൂവരന്മാർ “അതേ”. പുരോഹിതൻ “നിങ്ങൾ ഭാര്യാഭർത്താക്കന്മാരെന്ന നിലയിൽ ആയുഷ്കാലം മുഴുവൻ പരസ്പരം സ്നേഹിച്ചും ആദരിച്ചും ജീവിക്കാൻ സന്നദ്ധരാണോ? വധൂവരന്മാർ: “അതേ" തുടർന്ന് പുരോഹിതൻ വധൂവരന്മാരോട് ഒന്നിച്ചു ചോദിക്കുന്നു. "ദൈവം നിങ്ങൾക്കു നല്കുന്ന കുഞ്ഞുങ്ങളെ സ്നേഹപൂർവം സ്വീകരിക്കാനും ക്രിസ്തുവിൻ്റെയും സഭയുടെയും പ്രബോധനമനുസരിച്ചു വളർത്താനും സന്നദ്ധരാണോ?" വധുവരന്മാർ :"അതേ".

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:266)

sacrament marriage matrimony church wedding കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം സഭാപരമായ വിവാഹം youcat 266 സഭാപരമായ വിവാഹം എങ്ങനെയാണ് ആഘോഷിക്കുന്നത്? Bible Theology Church Teachings