വിവാഹമെന്ന കൂദാശ എങ്ങനെയാണു സംഭവിക്കുന്നത്?

Authored by : Congregation for Doctrine of Faith On 30-Jul-2022

ഒരു പുരുഷനും ഒരു സ്ത്രീയും ദൈവത്തിൻ്റെയും സഭയുടെയും മുമ്പിൽ വച്ചു നടത്തുന്ന വാഗ്ദാനത്തിലൂടെ വിവാഹമെന്ന കൂദാശ സംജാതമാകുന്നു. ആ വാഗ്ദാനം ദൈവം സ്വീകരിക്കുകയും ദമ്പതികളുടെ ശാരീരിക സംയോഗംവഴി പൂർണമാകുകയും ചെയ്യുന്നു. ദൈവം തന്നെയാണ് കൗദാശിക വിവാഹത്തിൻ്റെ ബന്ധം രൂപപ്പെടുത്തുന്നത്. ദമ്പതികളിൽ ഒരാളുടെ മരണം വരെ അതു കടപ്പെടുത്തുന്നതായിരിക്കും. 

പുരുഷനും സ്ത്രീയും പരസ്പരം വിവാഹകൂദാശ പരികർമ്മം ചെയ്യുന്നു. വൈദികൻ അല്ലെങ്കിൽ ഡീക്കൻ ദമ്പതികൾക്ക് ദൈവാനുഗ്രഹമുണ്ടാകാൻ വേണ്ടി പ്രാർത്ഥിക്കുന്നു. കൂടാതെ,വിവാഹം ശരിയായ സാഹചര്യത്തിൽ നടന്നുവെന്നും വാഗ്ദാനം സമഗ്രവും പരസ്യമായി നടത്തിയതാണെന്നും സാക്ഷ്യപ്പെടുത്തുകയും ചെയ്യുന്നു. വിവാഹപരമായ സമ്മതമുണ്ടെങ്കിൽ മാത്രമേ വിവാഹം സംഭവിക്കുകയുള്ളൂ. അതായത്, പുരുഷനും സ്ത്രീയും സ്വതന്ത്രമനസ്സോടെ, ഭയമോ നിർബന്ധമോ കൂടാതെ വിവാഹത്തിൽ പ്രവേശിക്കണം. സ്വാഭാവികമോ സഭാപരമോ തടസ്സങ്ങൾ (ഉദാഹരണത്തിന്, നിലവിലുള്ള വിവാഹബന്ധം, ബ്രഹ്മചര്യ വ്രതം) ഉണ്ടായിരിക്കരുത്. എങ്കിൽ മാത്രമേ വിവാഹം സംഭവിക്കുകയുള്ളൂ.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:261)

sacrament sacrament of matrimony കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം വിവാഹമെന്ന കൂദാശ youcat 261 വിവാഹമെന്ന കൂദാശ എങ്ങനെയാണു സംഭവിക്കുന്നത്? Bible Theology Church Teachings