തിരുപ്പട്ടങ്ങളുടെ കൂദാശയെ സഭ എങ്ങനെ മനസ്സിലാക്കുന്നു

Authored by : Congregation for Doctrine of Faith On 29-Jul-2022

പഴയ നിയമത്തിലെ വൈദികർ സ്വർഗീയകാര്യങ്ങളുടെയും ഭൗതികകാര്യങ്ങളുടെയും ഇടയ്ക്കുള്ള, ദൈവത്തിനും അവിടത്തെ ജനത്തിനും ഇടയിലുള്ള, മധ്യസ്ഥതയായി തങ്ങളുടെ കടമയെ കണ്ടു. ക്രിസ്തു “ദൈവത്തിനും മനുഷ്യർക്കും ഇടയിലുള്ള ഏക മധ്യസ്ഥനാണ്" (1തിമോ 2:5). അതു കൊണ്ട് അവിടന്ന് ആ പൗരോഹിത്യം പൂർണമാക്കുകയും അവസാനിപ്പിക്കുകയും ചെയ്തു. ക്രിസ്തുവിനുശേഷം, ക്രിസ്തുവിൽ, ക്രിസ്തുവിൻ്റെ കുരിശിലെ യാഗത്തിൽ, ക്രിസ്തുവിൽ നിന്നുള്ള വിളിയിലൂടെയും അപ്പസ്തോലിക ദൗത്യത്തിലൂടെയും മാത്രമുള്ള പട്ടാഭിഷിക്തപൗരോഹിത്യമേ ഉള്ളൂ.

കൂദാശകൾ പരികർമ്മം ചെയ്യുന്ന കത്തോലിക്കാ വൈദികൻ തൻ്റെ സ്വന്തം അധികാരത്താലോ ധാർമ്മിക പൂർണതയാലോ (നിർഭാഗ്യവശാൽ അത് പലപ്പോഴും ഉണ്ടായിരിക്കുകയില്ല) അല്ല പ്രവർത്തിക്കുന്നത്, പിന്നെയോ, “ക്രിസ്തുവിൻ്റെ നാമ"ത്തിലാണ്. പട്ടാഭിഷേകത്തിലൂടെ രൂപാന്തരീകരണപരവും സൗഖ്യദായകവും രക്ഷാകരവുമായ ശക്തി അയാളിൽ ഒട്ടിച്ചു ചേർക്കപ്പെടുന്നു. പുരോഹിതന് സ്വന്തമായി ഒന്നുമില്ലാത്തതുകൊണ്ട്, അയാൾ, സർവോപരി, ഒരു ദാസനാണ്. അതുകൊണ്ട്, ഓരോ യഥാർത്ഥ പുരോഹിതനെയും വ്യതിരിക്തനാക്കുന്ന സവിശേഷത സ്വന്തം വിളിയെക്കുറിച്ചുള്ള വിനയപൂർണമായ വിസ്മയമാണ്.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:250)

sacrament holy orders church and holy orders കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം തിരുപ്പട്ടം കൂദാശ youcat 250 തിരുപ്പട്ടങ്ങളുടെ കൂദാശയെ സഭ എങ്ങനെ മനസ്സിലാക്കുന്നു Bible Theology Church Teachings