നല്ല, ഉത്തരവാദിത്വപൂർണമായ ജീവിതം നയിക്കാൻ സഭ നമ്മെ എങ്ങനെ സഹായിക്കുന്നു?

Authored by : Congregation for Doctrine of Faith On 01-Aug-2022

സഭയിൽ നാം മാമ്മോദീസ സ്വീകരിച്ചു. നൂറ്റാണ്ടുകളിലൂടെ സഭ അവികലമായി സൂക്ഷിച്ച വിശ്വാസം നാം സ്വീകരിച്ചു. സഭയിൽ നാം ദൈവത്തിൻ്റെ സജീവവചനം ശ്രവിക്കുന്നു. ദൈവത്തെ പ്രസാദിപ്പിക്കണമെങ്കിൽ എങ്ങനെ ജീവിക്കണമെന്ന് നാം പഠിക്കുകയും ചെയ്യുന്നു. യേശു തൻ്റെ ശിഷ്യന്മാരെ ഏല്പിച്ച - കൂദാശകളിലൂടെ സഭ നമ്മെ പടുത്തുയർത്തുകയും ശക്തിപ്പെടുത്തുകയും ആശ്വസിപ്പിക്കുകയും ചെയ്യുന്നു. സഭയിൽ വിശുദ്ധരുടെ ജ്വലിക്കുന്ന അഗ്നിയുണ്ട്. അതുവഴി നമ്മുടെ ഹൃദയങ്ങൾ ഉജ്ജ്വലിപ്പിക്കപ്പെടുന്നു. സഭയിൽ വിശുദ്ധ കുർബാന ആഘോഷിക്കപ്പെടുന്നു. അതിൽ ക്രിസ്തുവിൻ്റെ ബലിയും ശക്തിയും നമുക്കായി നവീകരിക്കപ്പെടുന്നു. അവിടത്തോട് ഐക്യപ്പെട്ട് നാം അവിടത്തെ ശരീരമായിത്തീരുകയും അവിടത്തെ ശക്തിയാൽ ജീവിക്കുകയും ചെയ്യത്തക്കവിധത്തിലാണ് അത് ആഘോഷിക്കുന്നത്. സഭയ്ക്ക് ദൗർബല്യങ്ങളുണ്ടെങ്കിലും സഭയെക്കുടാതെ ഒരുവനും ക്രിസ്ത്യാനിയായിരിക്കാൻ കഴിയുകയില്ല. 

കത്തോലിക്കാ സഭയുടെ യുവജന മതബോധനഗ്രന്ഥം(ചോദ്യം: 343)

ഉത്തരവാദിത്വപൂർണമായ ജീവിതം നയിക്കാൻ lead a good responsible life കത്തോലിക്കാ സഭയുടെ മതബോധനഗ്രന്ഥം മതബോധനഗ്രന്ഥം ഉത്തരവാദിത്വപൂർണമായ ജീവിതം responsible life youcat 343 നല്ല ഉത്തരവാദിത്വപൂർണമായ ജീവിതം നയിക്കാൻ സഭ നമ്മെ എങ്ങനെ സഹായിക്കുന്നു? Bible Theology Church Teachings