എങ്ങനെയാണ് വിശ്വാസപ്രമാണങ്ങൾ ഉദ്ഭവിച്ചത്?

Authored by : Congregation for Doctrine of Faith On 17-Aug-2022

മാമ്മോദീസ നല്കാൻ തൻ്റെ ശിഷ്യന്മാരോടു കല്പിച്ച യേശുവിൽനിന്നാണ് വിശ്വാസപ്രമാണങ്ങളുടെ തുടക്കം. മാമ്മോദീസ നല്കുമ്പോൾ, മാമ്മോദീസ സ്വീകരിക്കാൻ വരുന്നവനിൽനിന്ന് സുനിശ്ചിതമായ വിശ്വാസം അതായത്, പിതാവിലും പുത്രനിലും പരിശുദ്ധാത്മാവിലുമുള്ള വിശ്വാസം ഏറ്റുപറയാൻ അവർ ആവശ്യപ്പെടേണ്ടിയിരുന്നു. ത്രിത്വം.

കർത്താവായ യേശുവിലുള്ള വിശ്വാസത്തിൻ്റെ ഏറ്റുപറച്ചിലും അവിടത്തെ പ്രേഷിതത്വകല്പനയുമാണ് പില്കാലത്തു വളർന്നുവന്ന എല്ലാ വിശ്വാസപ്രമാണങ്ങളുടെയും ആദിമ ജീവകോശം. അവിടന്ന് ശ്ലീഹന്മാരോട് ഇപ്രകാരം പറഞ്ഞു: "ആകയാൽ നിങ്ങൾ പോയി എല്ലാ ജനതകളെയും ശിഷ്യപ്പെടുത്തുവിൻ, പിതാവിൻ്റെയും പുത്രൻ്റെയും പരിശുദ്ധാത്മാവിൻ്റെയും നാമത്തിൽ അവർക്ക് മാമ്മോദീസ നല്കുവിൻ” (മത്താ 28:19). സഭയുടെ സകല വിശ്വാസപ്രമാണങ്ങളും ഈ ത്രിത്വെക ദൈവത്തിലുള്ള വിശ്വാസത്തിൻ്റെ വിപുലീകരണങ്ങളാണ്. അവയിൽ ഓരോന്നും ലോകത്തിൻ്റെ സ്രഷ്ടാവും പരിപാലകനുമായ പിതാവിലുള്ള വിശ്വാസത്തിൻ്റെ ഏറ്റുപറച്ചിലോടെ തുടങ്ങുന്നു. തുടർന്ന് പുത്രനെക്കുറിച്ചു പറയുന്നു. പുത്രനിലൂടെയാണ് ലോകവും നമ്മൾ തന്നെയും രക്ഷ കണ്ടെത്തിയത്. പരിശുദ്ധാത്മാവിലുള്ള വിശ്വാസത്തിൻ്റെ ഏറ്റുപറയലോടെ അത് അവസാനിക്കും. പരിശുദ്ധാത്മാവ് സഭയിലും ലോകത്തിലും ദൈവത്തിൻ്റെ സാന്നിധ്യമാണ്.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:27)

വിശ്വാസപ്രമാണങ്ങൾ creeds എങ്ങനെയാണ് വിശ്വാസപ്രമാണങ്ങൾ ഉദ്ഭവിച്ചത്? how did the creeds come about? കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 27 Bible Theology Church Teachings