എന്താണ് യഥാർത്ഥ വിശ്വാസത്തിന്റേതായിട്ടുള്ളതെന്ന് നമുക്ക് എങ്ങനെ പറയാൻ കഴിയും?

Authored by : Congregation for Doctrine of Faith On 18-Jul-2022

വിശുദ്ധ ലിഖിതങ്ങളിലും സഭയുടെ സജീവപാരമ്പര്യത്തിലും യഥാർത്ഥവിശ്വാസം നാം കാണുന്നു.

പുതിയനിയമം സഭയുടെ വിശ്വാസത്തിൽനിന്ന് വികസിച്ചുണ്ടായതാണ്. വിശുദ്ധലിഖിതങ്ങളും പാരമ്പര്യവും ഒന്നിച്ചു നിലകൊള്ളുന്നു. വിശ്വാസകൈമാറ്റം പ്രമാണരേഖകളിലൂടെയല്ല പ്രധാനമായി നടക്കുന്നത്. വിശുദ്ധലിഖിതങ്ങൾ 'തുകൽച്ചുരുളുകളിലെന്നതിനെക്കാൾ സഭയുടെ ഹൃദയത്തിലാണ് എഴുതപ്പെട്ടിരിക്കുന്നത്' എന്ന് ആദിമസഭയിൽ പറയപ്പെട്ടിരുന്നു. ശിഷ്യന്മാരും-അപ്പസ്തോലന്മാരും സർവോപരി ക്രിസ്തുവുമായുള്ള സജീവമായ കൂട്ടായ്മയിൽ തങ്ങളുടെ പുതിയ ജീവിതം അനുഭവിച്ചു. യേശുവിൻ്റെ ഉത്ഥാനാനന്തരം വ്യത്യസ്തമായ ഒരു രീതിയിൽ തുടർന്ന ഈ കൂട്ടായ്മയിലേക്ക് ആദിമ സഭ ആളുകളെ ക്ഷണിച്ചു. ആദിമ ക്രിസ്ത്യാനികൾ “അപ്പസ്തോലന്മാരുടെ പ്രബോധനം, കൂട്ടായ്മ, അപ്പം മുറിക്കൽ, പ്രാർത്ഥന എന്നിവയിൽ താത്പര്യപൂർവം പങ്കുചേർന്നു" (അപ്പ 2:42). അവർ പരസ്പരം ഐക്യപ്പെട്ടിരുന്നു. എന്നാലും മറ്റുള്ളവർക്കും ഇടമുണ്ടായിരുന്നു. ഇന്നും ഇത് നമ്മുടെ വിശ്വാസത്തിൻ്റെ ഭാഗമാണ്. കത്തോലിക്കാസഭയിൽ അപ്പസ്തോലന്മാരുടെ കാലം മുതൽ ഇന്നോളം വ്യത്യാസപ്പെടുത്താതെ സംരക്ഷിച്ചുപോരുന്ന, ദൈവവുമായുള്ള കൂട്ടായ്മ അറിയാൻ മറ്റു വ്യക്തികളെ ക്രിസ്ത്യാനികൾ ക്ഷണിക്കുന്നു.

കത്തോലിക്കാസഭയുടെ യുവജന മതബോധനഗ്രന്ഥം (ചോദ്യം:12)

കത്തോലിക്ക സഭയുടെ മതബോധന ഗ്രന്ഥം മതബോധനഗ്രന്ഥം true faith tradition of our church tradition youcat 12 എന്താണ് യഥാർത്ഥ വിശ്വാസത്തിന്റേതായിട്ടുള്ളതെന്ന് നമുക്ക് എങ്ങനെ പറയാൻ കഴിയും? Bible Theology Church Teachings