ഗൗരവം കുറഞ്ഞ പാപങ്ങളിൽനിന്ന് (ലഘുപാപങ്ങൾ) ഗൗരവമുള്ള പാപങ്ങൾ (മാരകപാപങ്ങൾ) നമുക്ക് എങ്ങനെ തിരിച്ചറിയാൻ കഴിയും?

Authored by : Congregation for Doctrine of Faith On 30-Jul-2022

ഗൗരവപൂർണമായ പാപം വ്യക്തിയുടെ ഹൃദയത്തിലെ സ്നേഹത്തിൻ്റെ ദൈവികശക്തി നശിപ്പിക്കുന്നു. ആ ശക്തി കൂടാതെ നിത്യസൗഭാഗ്യമുണ്ടാകുകയില്ല. അതുകൊണ്ട് അതിനെ മാരകപാപമെന്നു വിളിക്കുന്നു. ഗൗരവമുള്ള പാപം ദൈവത്തിൽ നിന്നു വേർപെടുത്തുന്നു. അതേസമയം ലഘുപാപം അവിടന്നുമായുള്ള ബന്ധം അസ്വസ്ഥമാക്കുന്നതേ ഉള്ളൂ.

ഗൗരവാവഹമായ പാപം ഒരു വ്യക്തിയെ ദൈവത്തിൽ നിന്നു വിച്ഛേദിക്കുന്നു. ഒരു പാപം അത്തരത്തിലുള്ളതാകണമെങ്കിൽ സുപ്രധാനമായ ഒരു മൂല്യത്തിനു വിരുദ്ധമായതായിരിക്കണം. ജീവനോ ദൈവത്തിനോ വിരുദ്ധമായിരിക്കണം (കൊലപാതകം, ദൈവനിന്ദ, വ്യഭിചാരം മുതലായവ അതിന് ഉദാഹരണങ്ങളാണ്). അത് പൂർണമായ അറിവോടും സമ്മതത്തോടും കൂടെ ചെയ്തതായിരിക്കണം. ലഘുപാപങ്ങൾ അപ്രധാനമൂല്യങ്ങൾക്ക് (ബഹുമാനം, സത്യം, സമ്പത്ത് മുതലായവ) എതിരായിരിക്കും. അല്ലെങ്കിൽ അവയുടെ ഗൗരവത്തെക്കുറിച്ച് പൂർണമായ അറിവില്ലാതെ ചെയ്തതായിരിക്കും. അല്ലെങ്കിൽ മനസ്സിൻ്റെ പൂർണസമ്മതമില്ലാതെ ചെയ്തതായിരിക്കും. അത്തരം പാപങ്ങൾ ദൈവവുമായുള്ള ബന്ധം മുറിപ്പെടുത്തും. എന്നാലും ആ ബന്ധം വിച്ഛേദിക്കുകയില്ല.

കത്തോലിക്കാ സഭയുടെ യുവജന മതബോധനഗ്രന്ഥം(ചോദ്യം: 316)

serious sins and mortal sins ഗൗരവപൂർണമായ പാപം കത്തോലിക്കസഭയുടെ മതബോധനഗ്രന്ഥം മതബോധനഗ്രന്ഥം ലഘുപാപങ്ങൾ മാരകപാപങ്ങൾ youcat 316 ഗൗരവം കുറഞ്ഞ പാപങ്ങളിൽനിന്ന് (ലഘുപാപങ്ങൾ) ഗൗരവമുള്ള പാപങ്ങൾ (മാരകപാപങ്ങൾ) നമുക്ക് എങ്ങനെ തിരിച്ചറിയാൻ കഴിയും? Bible Theology Church Teachings