ഭൗമിക പിതാവാൽ അല്ലെങ്കിൽ ഭൗമിക മാതാപിതാക്കളാൽ പീഡിപ്പിക്കപ്പെടുകയോ ഉപേക്ഷിക്കപ്പെടുകയോ ചെയ്തിട്ടുള്ള ആളുകൾക്ക് ദൈവത്തെ “പിതാവേ” എന്നു വിളിക്കാൻ എങ്ങനെ കഴിയാനാണ്?

Authored by : Congregation for Doctrine of Faith On 05-Aug-2022

ദയാപൂർണനും പിതൃതുല്യനുമായ ദൈവത്തിന്റെ പ്രതിച്ഛായ മാനുഷിക പിതാക്കന്മാരും മാതാക്കളും മിക്കപ്പോഴും വികൃതമാക്കിയിട്ടുണ്ട്. എന്നാൽ മാനുഷിക മാതാപിതാക്കളിൽ നിന്നുണ്ടായ നമ്മുടെ അനുഭവം അനുസരിച്ചുള്ളവനല്ല സ്വർഗസ്ഥനായ നമ്മുടെ പിതാവ്. നമുക്ക് ദൈവത്തെ സംബന്ധിച്ചുള്ള പ്രതിച്ഛായ നമ്മുടെ ആശയങ്ങളിൽ നിന്നെല്ലാം ശുദ്ധീകരിച്ചെടുക്കണം. വ്യവസ്ഥാതീതമായ വിശ്വാസത്തോടെ അവിടത്തെ കണ്ടുമുട്ടാൻ കഴിയുന്നതിനാണത്.

സ്വന്തം പിതാവാൽ ബലാത്സംഗം ചെയ്യപ്പെട്ടവർക്കുപോലും “സ്വർഗസ്ഥനായ ഞങ്ങളുടെ പിതാവേ" എന്ന പ്രാർത്ഥന ചൊല്ലാൻ പഠിക്കാം. ക്രൂരമായി മറ്റുള്ളവർ നിഷേധിച്ച സ്നേഹം, യഥാർത്ഥത്തിൽ വിസ്മയനീയമാംവിധം മാനുഷികസങ്കല്പങ്ങൾക്കെല്ലാം അതീതമായി നിലനില്ക്കുന്ന സ്നേഹം അനുഭവിച്ചറിയാൻ അവർ സ്വയം അനുവദിക്കണം. മിക്കപ്പോഴും അത് അവരുടെ കടമയായിരിക്കുന്നു.

കത്തോലിക്ക സഭയുടെ യുവജന മതബോധന ഗ്രന്ഥം ചോദ്യം 516

catechism of the catholic church കത്തോലിക്ക സഭയുടെ മതബോധന ഗ്രന്ഥം മതബോധന ഗ്രന്ഥം YOU CAT516 ഭൗമിക മാതാപിതാക്കളാൽ പീഡിപ്പിക്കപ്പെടുകയോ ഉപേക്ഷിക്കപ്പെടുകയോ ചെയ്തിട്ടുള്ള ആളുകൾക്ക് ദൈവത്തെ “പിതാവേ” എന്നു വിളിക്കാൻ എങ്ങനെ കഴിയാനാണ്? ദൈവത്തെ “പിതാവേ” എന്നു വിളിക്കാൻ Bible Theology Church Teachings