ലോകത്തെയും എൻ്റെ ജീവിതത്തെയും ദൈവം നയിക്കുന്നുണ്ടോ?

Authored by : Congregation for Doctrine of Faith On 24-Aug-2022

ഉവ്വ്. എന്നാൽ നിഗൂഢമായ രീതിയിലാണ് അങ്ങനെ ചെയ്യുന്നത്. ദൈവം തനിക്കുമാത്രം അറിയാവുന്ന വഴികളിലൂടെ എല്ലാറ്റിനെയും നയിക്കുന്നു. അവയുടെ പൂർണതയിലേക്കു നയിക്കുന്നു. അവിടന്നു സൃഷ്ടിച്ച ഒന്നും തന്നെ സമയത്തിൻ്റെ ഒരു നിമിഷത്തിലും അവിടുത്തെ കൈകളിൽ നിന്ന് വീണു പോകുന്നില്ല. [302-305]

ദൈവം ചരിത്രത്തിലെ മഹാസംഭവങ്ങളെയും. നമ്മുടെ വ്യക്തിപരമായ ജീവിതത്തിലെ ചെറിയകാര്യങ്ങളെയും സ്വാധീനിക്കുന്നുണ്ട്. നമ്മുടെ സ്വാതന്ത്ര്യം ചുരുക്കുകയോ നമ്മെ അവിടുത്തെ ശാശ്വതപദ്ധതികളിൽ കേവലം പാവകളാക്കുകയോ ചെയ്യാതെയാണ് നമ്മുടെ കാര്യങ്ങളെ സ്വാധീനിക്കുന്നത്. ദൈവത്തിൽ നാം ജീവിക്കുകയും ചലിക്കുകയും നിലനില്ക്കുകയും ചെയ്യുന്നു (അപ്പ 17:28). നാം കണ്ടുമുട്ടുന്ന എല്ലാറ്റിലും, നമ്മുടെ ജീവിതത്തിൻ്റെ എല്ലാമാറ്റങ്ങളിലും ദൈവമുണ്ട്. ദുഃഖകരമായ സംഭവങ്ങളിൽ പോലും, അർത്ഥശൂന്യമെന്ന് തോന്നാവുന്ന ആകസ്മിക സംഭവങ്ങളിൽ പോലും ദൈവമുണ്ട്. നമ്മുടെ ജീവിതത്തിൻ്റെ വളഞ്ഞവരകൾ കൊണ്ടുപോലും നേരേ എഴുതാൻ ദൈവം ആഗ്രഹിക്കുന്നു.അവിടുന്ന് നമ്മിൽ നിന്ന് എടുത്തുമാറ്റുന്നതും അവിടന്ന് നല്കുന്നതും അവിടന്ന് നമ്മെ ശക്തിപ്പെടുത്തുന്ന രീതികളും അവിടന്ന് നമ്മെ പരീക്ഷിക്കുന്ന മാർഗങ്ങളും എല്ലാം അവിടത്തെ ഇഷ്ടത്തിൻ്റെ ക്രമവത്കരണവും അടയാളങ്ങളുമാണ്.

കത്തോലിക്കാസഭയുടെ യുവജന മതബോധനഗ്രന്ഥം(ചോദ്യം:49)

ലോകത്തെയും എൻ്റെ ജീവിതത്തെയും ദൈവം നയിക്കുന്നുണ്ടോ Does God guide the world and my life? god ദൈവം കത്തോലിക്കാസഭയുടെ മതബോധനഗ്രന്ഥം മതബോധനഗ്രന്ഥം youcat 49 Bible Theology Church Teachings